მანჯუკიჩი:”ყველაფერს გავიღებ “იუვენტუსის” წარმატებისთვის”

მაროტამ მორიგი შენაძენი წარუდგინა ტურინულ ტიფოზერიას. გუნდი ხორვატმა ფორვარდმა მარიო მანჯუკიჩმა გააძლიერა, რომელიც მომავალ სეზონში კლუბს უმაღლესი მიზნების მიღწევაში დაეხმარება. პრესის წარმომადგენლები ბუნებრივია დიდ ინტერესს იჩენენ თავდამსხმელის მიმართ და პირველი ვრცელი ინტერვიუც ჩაწერეს..

კარიერა იუვეს მაისურის ფერებით დაიწყეთ, როდესაც მარსონიას ღირსებას იცავდით. 10 წლის შემდეგ კი თქვენ უკვე ბიანკონერის სრულუფლებიანი წევრი ხართ..

“კარგად მახსოვს ის პერიოდი. მარსონიას ზუსტად ისეთივე ფერებში ჰქონდა მაისური, როგორც იუვეს. უფრო მეტსაც გეტყვით.. ორიგინალ იუვენტუსის მაისურით ვთამაშობდი, რომელსაც ემბლემა ჰქონდა მხოლოდ შეცვლილი. ბედნიერი ვარ ისეთ დიდ გუნდში თამაშით როგორიც ბიანკონერია”.

თქვენი მახასიათებლები დიდ სარგებელს მოუტანს ალეგრის სქემას..

“ვიმედოვნებ მწვრთნელს კარგად მოეხსენება ჩემი შესაძლებლობების შესახებ და იგი მას მაქსიმალურად გამოიყენებს წარმატებისთვის. აბსოლიტურად ყველაფრისთვის ვარ მზად რათა თანაგუნდელებს დავეხმარო”.

რამ გაგაოცათ იუვეს თამაში, როდესაც შეხვდით საერთაშორისო დონეზე?

“ყოველთვის რთულის ისეთ ხისტ კლუბთან ასპარეზობა როგორიც იუვეა. მათი ფეხბურთელები ამოსუნთქვის საშუალებას არ გაძლევენ და თითოეულ მილიმეტრზე გზღუდავენ. ამასთანავე უნდა აღვნიშნო, რომ ტურინების და საერთოდ იტალიის ნაკრების წინააღმდეგ არაერთხელ მომიწია ასპარეზობა. მესმის მათი ძლიერი მხარეები და ამიტომ მოხარული ვარ, რადგან დიდი პროექტის ნაწილი გავხდი. აპენინებზე ასპარეზობენ საუკეთესო გუნდები და მუშაობენ საუკეთესო სპეციალისტები”.

უამრავი გოლი გაქვთ გატანილი ხორვატიაში, ბუნდესლიგაში, ლა ლიგაში.. რა დაგეხმარებათ იმაში, რომ კალჩოშიც გამოამჟღავნოთ ბომბარდირული თვისება?

“როგორც უკვე გითხრით იტალიურ ფეხბურთს კარგად ვიცნობ და ფეხბურთელებსაც. მათ წინააღმდეგ ხშირად გავსულვარ მინდორზე. ამიტომ ადაპტაციის მხრივ პრობლემა არ უნდა იდგეს. რაც შეეხება მომავალს, მერწმუნეთ ყველაფერს გავიღებ გამარჯვებისთვის. ვიმედოვნებ სერია ა-ში ბევრჯერ გამოვიჩენ თავს და დავეხმარები თანაგუნდელებს. მთავარი არა ჩემი გოლები არამედ იუვენტუსის გამარჯვებაა”.

გუშინ ჩამოფრინდით ტურინში, ხოლო დღეს უკვე ოფიციალურად გააფორმეთ ხელშეკრულება.. რას ნიშნავს ეს ყოველივე თქვენთვის?

“თურმე, ადრეული ასაკიდანვე მივდიოდი ამ მიმართულებით, როდესაც მარსონიას ღირსებას ვიცავდი შავ-თეთრი მაისურით. ამიტომ ეს ყოველივე ჯერ კიდევ მაშინ შევიყვარე. კარგად ვხედავ თუ რაოდენ დიდი და ტრადიციულია იუვენტუსი. მას მსოფლიოს ყველა წერტილში ქომაგობენ. ამიტომ ბედნიერი ვარ გადაწყვეტილებით და საბრძოლველად ვარ განწყობილი. ბრწყინვალე პარტნიორები და მწვრთნელი მყავს, ჩემი მხრივ კი არაფერს დავიშურებ საერთო წარმატებისთვის”.

წყარო: tuttojuve