მოჯი: ” თუ კონდოგბია 40 ღირს, პოგბას ფასი 100 მილიონზე მეტია “

ლუჩიანო მოჯი “იუვენტუსის” სატრანსფერო პოლიტიკაზე საუბრობს და გუნდის ამჟამინდელ ხელმძღვანელობას რჩევებს აწვდის. ტურინული გუნდის ყოფილი დირექტორის სიტყვებს “რაფაელა ბონი” ავრცელებს: ” პოგბას გაყიდვას თავიდანვე გამოვრიცხავდი, მაგრამ გასაგებია, რომ ყველაფერი შემოთავაზებაზეა დამოკიდებული. თუ შესაბამისი წინადადება იქნება, მის გასხვისებაზეც შეიძლება ფიქრი. ამასთან, უნდა განვსაზღვროთ, რა იგულისხმება შესაბამის წინადადებაში. მაშინ, როცა “ინტერი” კონდოგბიაში 40 მილიონს იხდის, პოგბას ფასი 100 მილიონზე მეტია, მაგრამ არა მგონია, დღეს რომელიმე გუნდი ამხელა თანხას ჩამოვიდეს. ტევესის წასვლით “იუვე” ბევრს დაკარგავს, ჩემი ვარაუდით, სეზონში გარანტირებულ მინიმუმ 20 გოლზეა საუბარი. მაგრამ მაინც ვფიქრობ, რომ “იუვენტუსის” შემტევი ხაზი იტალიაში საუკეთესოა. გუნდმა უნდა გააგრძელოს ბაზარზე დაკვირვება და ეცადოს ხელი შეუშალოს მათ, ვინც გაძლიერებას ცდილობს. “მილანი” სერიოზულ გასაჭირშია, “ინტერი” კი საინტერესო ფეხბურთელებზე აკეთებს ფსონს, ისეთებზე, ვინც გარანტირებულად გაზრდიან მანჩინის გუნდის ხარისხს. ” -აცხადებს მოჯი.

წყარო: tuttojuve