პეპე : “სულსა და გულს გავიღებ იუვენტუსისთვის”

ტურინის “იუვენტუსში” გატარებული ხუთი წლის შემდეგ სიმონე პეპე ბიანკონერებს ტოვებს.31 წლის ფეხბურთელი ბოლო ორი წლის განმავლობაში მუდმივად ტრავმირებული იყო და მწყობრში დაბრუნება მხოლოდ რამდენიმე თვის წინ მოახერხა, 30 ივნისს იგი თავისუფალი აგენტის სტატუსს მიიღებს : “როცა ვინოვოს სამწვრთნელ ბაზაზე ბოლოჯერ ვისარგებლე ჩემი კარადით, გული დამწყდა.ტრავმებს თუ არ ჩავთვლით, იუვეში შესანიშნავი წლები გავატარე.მზად ვიყავი შავ-თეთრი მაისურისთვის გული, სული და ორივე ფეხი გამეღო.გულშემატკივრებისგან ყოველთვის დიდ სიყვარულს ვგრძნობდი, ისინი გვერდში მედგნენ და მათ, როგორც ერთგულ ქომაგებს, არასოდეს დავივიწყებ.მომავალი ? – იტალიაში დავრჩები და აქაურ ვარიანტებს განვიხილავ, ფეხბურთმა სამი სახლში მაჩუქა – ტერამო, უდინეზე და იუვენტუსი.ჩემპიონთა ლიგის ფინალი არასოდეს დამავიწყდება, ბიჭებს მატჩის შემდეგ ვუთხარი, რომ დროის გასვლასთან ერთად ტკივილი უფრო იმატებდა, ასეც ხდება.მთელი ღამე ვერ დავიძინე და თითოეული მოთამაშე ასე იყო, დილის შვიდი საათისთვის Whatsapp – ის ჩატში ყველა ფეხბურთელმა მოიყარა თავი, ძილი ვერავინ შეძლო.ლიგის თასი ასე ახლოს იყო, ჩვენ კი გამარჯვება ვერ შევძელით.კლუბში საოცარი ატმოსფერო იყო და იმედი მაქვს, ახალი ფეხბურთელების მოსვლის შემდეგ ეს გრძნობა არ განელდება, იუვეს მთავარი პლიუსი ესაა : მწვრთნელები და ფეხბურთელები იცვლებიან, მაგრამ უცვლელია გუნდის მენტალიტეტი : გამარჯვება და სიდიადე.”

“იუვენტუსმა” კარლოს ტევესი გაუშვა, სამაგიეროდ მარიო მანჯუკიჩი და პაულო დიბალა დაიმატა : “სიმართლე გითხრათ, ვიცოდი რომ კარლიტო მოისურვებდა სამშობლოში დაბრუნებას, გამიხარდა რომ იუვენტუსი პატივისცემით მოეკიდა მის გადაწყვეტილებას.ტევესი ყოველთვის მემახსოვრება როგორც შესანიშნავი მოთამაშე და საოცარი ადამიანი, ბოკაში მასთან ერთად სიამოვნებით წავიდოდი.დიბალა ? – ვფიქრობ, სწორედ ის აიღებს ჩემს შვიდიანს, პაულო შესანიშნავი ახალგაზრდაა, რაღაცით ვინჩენცო მონტელას მაგონებს.მართალია, იუვენტუსი სულ სხვა დონეა, ვიდრე პალერმო, თუმცა არგენტინელს შეუძლია დიდი მიზნებისთვის იბრძოლოს.ტევესი მანჯუკიჩისგან განსხვავდება, მათ შორის საერთოა ბრძოლისუნარიანობა, დაუღალავად, ბოლო წამამდე.გადახედეთ ისტორიას, რამდენი ორთაბრძოლა ჰქონდა მარიოს ჯორჯო კიელინისთან, ხორვატი იმ უიშვიათეს ფეხბურთელთა რიგში შედის, რომელთაც შეუძლიათ ორ წუთში დაბრუნდნენ მოედანზე თავის გატეხვის შემდეგ.მორატა ? – ალვარო ფენომენია.მისი ტექნიკა, ფიზიკური სიძლიერე და პასის ტექნიკა აღმაფრთოვანებს.მას შეუძლია მსოფლიოს საუკეთესო 5-6 ფეხბურთელში მოხვდეს.როცა იგი იუვეში მოვიდა, პირველივე ვარჯიშზე ვასწავლა იტალიურად დაფიცება, რათა თამაშის დროს გამოეყენებინა.იგივე გაკვეთილები პოლ პოგბასაც ჩავუტარე, თუმცა ფრანგმა უკვე იცოდა, მას ფედერიკო მაკედასგან უსწავლია, იუნაიტედში ასპარეზობისას.”

წყარო : Football Italia