ესპანური პრესა:”პოგბა ბარსაში 2016 წლიდან” – აპენინური პრესა:”It’s Marotta Time”

გუშინ, ბარსას მესვეურების ვიზიტმა მილანში დიდი აჟიოტაჟი გამოიწვია პრესის წარმომადგენლებში. შეხვედრა ნამდვილად შედგა და მაროტამ კონკრეტული წინადადება მოისმინა პოლ პოგბას თაობაზე. თუმცა, ბიანკონერის გენერალური დირექტორი შეუვალია და საუბარი თითქოს რაიმე შეთანხმება შედგა და ფრანგი 2016 წელს დატოვებს ტურინს არის სისულელე. ამ ინფორმაციას თავად იტალიელი მიმოხილველები ავრცელებენ. “დიახ, 80 მილიონიანი წინადადება მივიღე, მაგრამ პოგბა არ იყიდება”-ასეთი იყო მაროტას განცხადება, მაგრამ ესპანელებმა დაცდაც კი არ ისურვეს და უმალვე გამოაქვეყნეს ინფორმაცია თითქოს პოგბა უკვე კატალონიელთა მორიგი შენაძენი გამხდარიყო..

და მაინც რა ხდება სინამდვილეში? რეალობა კი ასეთია: ბიანკონერი არ აპირებს არაფრის დიდებით ფრანგის ხელიდან გაშვებას და მაქსიმალურად უფრთხილდება საკუთარ ინვესტიციას. თუმცა, როდესაც შენ 12 მილიონს გთავაზობენ ანაზღაურების სახით, როდესაც შენი საფეხბურთო აგენტი არის მინო რაიოლა.. ყველაფერი რთულდება და ხდება არაპროგნოზირებადი. ბაზარზე კი ისეთი დიდი მოთამაშეები ილესავენ კბილებს როგორებიც არიან პსჟ, ჩელსი, სიტი, რეალი და ბარსელონა არიან..

“ჩვენ არ ვაპირებთ გადაწყვეტილების შეცვლას. პოგბა არ იყიდება”- პირველი განცხადების შემდეგ, ოდნავ მოგვიანებით ბეპე მაროტამ კიდევ ერთხელ საჯარაოდ უარყო ჭორები.

სიტუაციის კიდევ ერთხელ დაძაბვას უნდა ველოდოთ 18 ივლისის შემდგომ, როდესაც გაირკვევა ბარსელონას პრეზიდენტის ვინაობა..

მაგრამ ამ ეტაპზე ერთი რამ ფაქტია, 80 მილიონიან წინადადებაზე ბეპემ უარით გაისტუმრა ბარსა. პოგბა მხოლოდ მაშინ დატოვებს ტურინს თუ ეს მას თავად მოუნდა და ასეთ დროს იუვე ბუნებრივია მაქსიმალურ სარგებელს ნახავს და არა მხოლოდ 80 მილიონ ევროს..