მოჯი : “იუვეს უკვე ჰყავს ათიანი და ის პაულო დიბალაა”

ტურინის “იუვენტუსის” ყოფილი გენერალური დირექტორი, ლუჩიანო მოჯი ბიანკონერების მიერ განხორციელებულ ტრანსფერებს შეეხო და მათზე მცირე კომენტარი გააკეთა : “ოგბონას პრემიერ ლიგაში ტრანსფერი ტურინელთათვის სწორი გადაწყვეტილება იყო, ფეხბურთელმა ძირითად შემადგენლობაში ადგილი ვერაფრით დაიმკვიდრა და როცა რომელიმე გუნდი მზადაა 11-12 მილიონი გადაიხადოს ასეთ მოთამაშეში, აუცილებლად უნდა დათანხმდე.წარმატებებს ვუსურვებ ანჯელოს ვესტ ჰემის შემადგენლობაში, თუ მეტი სათამაშო დრო ექნება, ნაკრებში მოხვედრის შანსიც გაუჩნდება.პირლო იუვეს ისტორიაში სამუდამოდ დარჩება, მისი ჩანაცვლება მარკიზიომ უნდა შეძლოს, კლაუდიო ერთადერთი ფეხბურთელია, ვისაც შეუძლია საკუთარ თავზე აიღოს ბურთის გათამაშება, რაც შეეხება ტევესს, მისი ჩანაცვლება უფრო დიდ სირთულეებთანაა დაკავშირებული.გასაგებია, რომ მანჯუკიჩი მებრძოლი და მაღალი დონის წინახაზელია, მაგრამ არგენტინელი და ხორვატი სხვადასხვა სტილის ფეხბურთელები არიან.ათიანი ? – პაულო დიბალა, ის გასული სეზონის საუკეთესო ახალგაზრდაა, როცა მაროტამ მასში 32 მილიონი გადაიხადა, იქ გადაჭრა ათიანის პრობლემა, არგენტინელი ძალიან დიდი პოტენციალის მქონე ფორვარდია.”

“ტრეკუარტისტა ? – როგორც უკვე ვთქვი, ამ პოზიციაზე იუვეს დიბალა ჰყავს, იგი ნახევრად უკანდახეული ფორვარდია, ნახევრად კი თავისუფალი მხატვარი, მეეჭვება, ხელმძღვანელობამ გუნდში კიდევ მოიყვანოს იმ პოზიციის ფეხბურთელი.კუადრადო ? – როცა იგი ჩელსიში გადავიდა, ბევრ სირთულეს გადააწყდა, მისი მთავარი პლიუსი სისწრაფე და ტექნიკაა, ვნახოთ, როგორ ითამაშებს მომავალ სეზონში.მეეჭვება, იგი ბებერი ქალბატონის სტილს შეესაბამებოდეს, მისდამი ინტერესი მხოლოდ ჭორებია და კონკრეტული არაფერი.”

“სხვა გუნდები ? – კარლოს ტევესის წასვლით იუვენტუსი ცოტა დასუსტდა, თუმცა მაინც ლიდერად რჩება, მილანმა ფორვარდები დაიმატა, ინტერმა კონდოგბია.იბრაჰიმოვიჩი ნერიაძურიში არ გადავა, თუ იტალიაში დაბრუნებაზე მიდგა საქმე, მხოლოდ როსონერიში.31 აგვისტომდე კიდევ დიდი დროა და სხვა კლუბებს ტრანსფერების განხორციელება მოუწევთ, თუ ბებერ ქალბატონთან ოდნავ წამოწევა სურთ.”

წყარო : Tuttojuve