ლაპორტა: ” თუ მე პრეზიდენტი გავხდები … “

“ბარსელონას” საპრეზიდენტო კანდიდატებს ხოზეპ მარია ბარტომეუსა და ხუან ლაპორტას პოლ პოგბას კანდიდატურის თაობაზე განსხვავებული შეხედულებები აქვთ. “კამპ ნოუს” ნომერ პირველი ფიგურის ბედი ჯერ გადაწყვეტილი არ არის და კანდიდატები სწორედ პოლ პოგბას ირგვლის შექმნილ სიტუაციას იყენებენ ფანების გულის მოსაგებად. როგორც ბარტომეუმ “კადენა კოპეს” განუცხადა “პოგბა პრიორიტეტი არ არის, მიუხედავად იმისა, რომ მომავლის განჭვრეტა შეუძლებელია. ასეა თუ ისე, ლუის ენრიკეს ეს ფეხბურთელი არ მოუთხოვია. ” განსხვავებულ პოზიციაზეა პრეზიდენტობის მეორე კანდიდატი, ლაპორტა ჯიუტად აგრძელებს იმის მტკიცებას, რომ ფრანგი ნახევარმცველი უახლოეს მომავალში “ბარსელონაში” უნდა აღმოჩნდეს და “ბლაუგრანას” მაისური მოირგოს: ” დიახ, ჩვენ დაინტერესებული ვართ პოლით და თუ მე გავხდები პრეზიდენტი, შესაბამის ნაბიჯებსაც გადავდგამთ. უდაოდ, ის ჩვენ სიაშია. მისი ტრანსფერის გასაღები აგენტი მინო რაიოლაა, მეტი არავინ. ” -ფაქტია, რომ თუ პრეზიდენტი ხუან ლაპორტა გახდება, სავარაუდოდ, ყველაფერს გაიღებს, რომ მისი მთავარი დაპირება შეასრულოს და ამისათვის მნიშვნელოვან თანხებსაც ჩამოვა.
წყარო: football italia