“იუვენტუსის” 5 ფეხბურთელი ევროპის საუკეთესო ფეხბურთელთა ნომინანტთა შორის

უეფას ევროპის საუკეთესო ფეხბურთელთა ჯილდოს 10 ნომინანტს შორის ხუთი ტურინის “იუვენტუსის” ფეხბურთელია. “ბიანკონერიმ” იტალიაში დუბლი შეასრულა და “ჩემპიონთა ლიგის” მოგებამდე სულ ცოტა დააკლდა, დამარცხდა რა “ბარსელონასთან” ფინალურ შეხვედრაში. ევროპის საუკეთესო ფეხბურთელთა ნომინანტთა სიაში მოხვდნენ ჯიჯი ბუფონი, პოლ პოგბა, არტურო ვიდალი, კარლოს ტევესი და ანდრეა პირლო. “იუვენტუსის” ფეხბურთელებს კონკურენციას გაუწევენ ლეო მესი, ანდრეს ინიესტა, ნეიმარი, კრისტიანო რონალდო და ედენ აზარი. სიის შემადგენლობა დაადგინა ჟურნალისტებისგან შემდგარმა ჟიურიმ და ფეხბურთელებმა უეფას 54 ფედერაციიდან. საუკეთესო სამი ფეხბურთელი 12 აგვისტოს გამოვლინდება, გამარჯვებულის ვინაობა კი 28 აგვისტოს გახდება ცნობილი.

წყარო: football italia