გუარდიოლა: ” იმედია, გიოტცე ჩვენთან დარჩება “

“ბაიერნის” დამრიგებელი პეპ გუარდიოლა უარყოფს გავრცელებულ ინფორმაციას იმის თაობაზე, რომ მარიო გიოტცემ, შესაძლოა, მომავალ სეზონში “იუვენტუსის” მაისური მოირგოს. გერმანელი ნახევარმცველი გუარდიოლას ხელმძღვანელობის ქვეშ არც ისე ხშირად ჩნდება მოედანზე, გიოტცემ “ვალენსიასთან” ამხანაგური თამაშიც სათადარიგოთა სკამზე გაატარა, თუმცა “ბარსელონას” ყოფილი დამრიგებელი მასთან განშორებას მაინც არ აპირებს: “ მარიო უმაღლესი კლასის ფეხბურთელია. უნდა თუ არა სხვაგან წასვლა მცირე სათამაშო დროის გამო? მან გუნდთან კონტრაქტს მოაწერა ხელი, ჩემი გუნდის მნიშვნელოვანი წევრია და, იმედია, მომავალ სეზონშიც აქ დარჩება. ასეა თუ ისე, ყველაფერი შეიძლება მოხდეს, გადაწყვეტილებებს მე არ ვიღებ. ცოტა დაღლილობას გრძნობდა და “ვალენსიასთან” თამაშიც ამიტომ გამოტოვა. ვნახოთ როგორ იქნება სამშაბათს. სხვა გუნდებთან კონტაქტი არ გვქონია, მეტის არაფრის დამატება არ შემიძლია. ” -აცხადებს გუარდიოლა.

წყარო: football italia; tuttosport