ალეგრის და მაროტას პრესსკონფერენცია

ამ წუთებში ვინოვოს საწრვთნელ ბაზაზე მიმდინარეობს მასიმილიანო ალეგრის და ჯუზეპე მაროტას პრესსკონფერენცია. გამომდინარე იქიდან, თუ რაოდენ დიდი აჟიოტაჟი მოჰყვა კლუბის მიერ წარმოებულ სატრანსფერო პოლიტიკას ბუნებრივია მასმედია დიდი ყურადღებით ელოდება მათთან შეხვედრას..

ალეგრი :”პირველ რიგში მოგესალმებით ყველას. მსურს საუბარი დავიწყო ანდრეა პირლოთი, რომელიც გარდა იმისა, რომ გამორჩეული ფეხბურთელია, ამავე დროს არის შესანიშნავი პიროვნება და მასთან არასოდეს არანაირი სახის დაპირისპირება არ მქონია. მე პრაქტიკულად ვერ წარმომიდგენია როგორ უნდა შეცვალო თანამედროვე ფეხბურთში ისეთი მოვლენა როგორიც არის პირლო.. არა მარტო იუვე კარგავს მარგალიტს ეს სრულიად იტალიური ფეხბურთის დანაკლისია.. თუმცა, ცხოვრება გრძელდება და ვეცდებით ახალი დღე, ახალი გამარჯვებებით დავიწყოთ. ნამდვილად გამიხარდა მისი ვიზიტი ვინოვოზე.. ეს ემოციური და პოზიტიური შეხვედრა იყო. რაც შეეხება ახალ სეზონს – ადამიანები მხვდებიან და დასრულებულ სეზონზე მესაუბრებიან და აღფრთოვანებით იხსენებენ თითოეულ ეპიზოდს. დიახ, ეს ნამდვილად სასიამოვნოა და ბუნებრივია ფეხბურთელებისთვისაც და ჩემთვისაც სიამაყის საბაბია, მაგრამ წინ სულ სხვა დრო დადგა. გასული წელი არის ისტორია, ხოლო მომავალი უკვე ჩვენს ხელთაა და მეტად სასიამოვნო უნდა გავხადოთ”.

მაროტა :”მოგესალმებით! ყოველ ჩვენთანაგს აქვს იმედი, რომ მომავალი სეზონი ისეთივე წარმატებული და იღბლიანი გამოდგეს, როგორც აწ უკვე გასრულებული იყო. ვფიქრობ, წინ სატრანსფერო საკითხებზე უამრავი კითხვა გველოდება და მინდა ვისარგებლო შემთხვევით და იმ ჭორებზე განვაცხადო, რაც ბოლო პერიოდში გავრცელდა. ფაქტია, რომ ბოლო ხანებში ბევრი ფეხბურთელი დაგვიკავშირეს თუმცა ოფიციალური ინფორმაცია იქნება ის რასაც თავად ხელმძღვანელობისგან გაიგებთ. გუნდი აგრძელებს მუშაობას და შესაფერისი ვარიანტის გამოჩენისთანავე იმოქმედებს”.

ალეგრი :”მომავალი სეზონი 4-3-3 ისთვის? ფაქტია, რომ აწ წასული ფეხბურთელები და ამ ეტაპზე მოსულები განსხვავებული მახასიათებლებით ასპარეზობენ. შესაბამისად მათი საქმეში ხილვაა აუცილებელი და უკვე ამის შემდეგ მივცემ საუკეთესო საშუალებას ზუსტად იქ წარმოაჩინონ თავი, სადაც მათთვის იქნება კომფორტული. გასული წლების მანძილზე უდიდესი სამუშაო ჩაიდო გუნდში, ხოლო მათი ერთ-ერთი წარმატების მთავარი საწინდარი იყო სეზონის წარმატებული სტარტი. მიზერული ხარვეზებია სწორედ ამ ეტაპზე დასაშვები. კონკურენტები ძლიერდებიან და მხოლოდ სახელით მათ ვერ შეაშინებ. საჭიროა მუხლჩაუხრელი შრომა და სწრაფვა გამარჯვებისკენ. სწორი მიდგომით იუვემ უკვე დაამტკიცა რაც შეუძლია, საჭიროა ამ კურსის გაგრძელება. დღეისათვის ვიმყოფებით განახლების სტადიაზე.. თითქოს ხორცს ვიცვლით და აუცილებელია მისი უმტკივნეულოდ გადატანა. იმედი მაქვს სატრანსფერო ფანჯრის დახურვამდე ჩემს განკარგულებაში იქნება 10 ფეხბურთელი 91-96 წლებში დაბადებული. ჩვენი გადმოსახედიდან ეს იქნება სწორი პოლიტიკა გუნდის სამომავლო განვითარებისთვის”.

მაროტა :”ის რაც შარშან მოხდა იყო ფანტასტიური, მაგრამ დღეს უკვე როგორც ისტორია ისე უნდა გავიხსენოთ. მსურს დაგარწმუნოთ ყველა, რომ ხელმძღვანელობა არ აპირებს ამაზე შეჩერებას. საქმის სტარტზე დავისახეთ მიზანი და მას ეტაპობრივად მივუყვებით. შეიქმნა მოდული, რომელიც უნდა განვითარდეს და ყველაფერს გავაკეთებთ რათა მან არ შეასუსტოს პროგრესირება. ახალი სისხლი, რომელიც გუნდში მოვიდა ამისი ნათელი მაგალითია. ნიჭიერი ახალგაზრდა თაობა, რომელიც ეხლა ეხლა იწყებს საფეხბურთო სამყაროში ნაბიჯებს გადადგმას იგრძნობს ტურინულ ატმოსფეროს და მის მშვენიერებას. ფეხბურთი სწრაფი ნაბიჯებით ვითარდება და ზოგჯერ არაპროგნოზირებადია.. ამიტომაც იყო მძიმე გადაწყვეტილებები მისაღები პირლოს, ტევესის და ვიდალის შემთხვევაში. ასევე მადლობა გვსურს გადავუხადოთ ყველაფრისთვის სტორარის და ოგბონას. მომავალს ოპტიმისტურად ვუყურებთ, რადგან გუნდში შესანიშნავი სინთეზია ახალგაზრდა პერსპექტიული ფეხბურთელების და გამოცდილი ჩემპიონების. ნამდვილად საამაყოა შემადგენლობაში ისეთი ტალანტების ხილვა, როგორებიც პერეირა, სტურარო, რუგანი, დიბალა და ძაძა არიან. რთულია რა თქმა უნდა პირლოს და ტევესის ჩანაცვლება და ვფიქრობ საერთოდ წარმოუდგენელიც, მაგრამ ვინც მოვიდა სავსენი არიან მოტივაციით, რაც პოზიტიურ იმედს უსახავს თითოეულ ჩვენთაგანს”.

მილანში ყოფნისას ბოატენგს იყენებდით გამთამაშებლად, რომელსაც იდენტური მახასიათებლები აქვს პერეირასთან და ვიდალთან.. იუვეშიც ასევე იქნება თუ სუფთა პლეიმეიკერს მოითხოვთ?

ალეგრი :”ამ მხრივ გუნდი აქტიურად მუშაობს, რათა შევიძინოთ სუფთა ტიპის შემტევი შუახაზელი. ის გარანტია იქნება ფანტაზიის და სწრაფი მანევრირებების. თუმცა, გასათვალისწინებელი იქნება ბევრი ფაქტორი და მათ შორის ფინანსური. არ ვაპირებთ ამის გამო კოლოსალური სახსრების ინვესტირებას და ყველაფრის დანგრევას. თავდაპირველად უნდა შევაჯეროთ საკუთარი სურვილები და ბაზარზე არსებული ვარიანტები”.

მაროტა :”ამ მხრივ ვფიქრობ მწვრთნელმა გაგცათ პასუხი. ბუნებრივია მარიო გიოტცე შედის ამ პროფილში, მაგრამ ბაიერნი არ აპირებს და საერთოდ რომც დააპიროს ისეთ თანხათ გაასხვისებს მას, რომელიც ჩვენს ფინანსურ გეგმებს გასცდეს. აქ ასევე მნიშვნელოვანია, თავად ფეხბურთელის სურვილი, რომელიც არ აპირებს გერმანიის დატოვებას. სხვა შემთხვევაში განვიხილავდით შესაძლებლობებს”.

ალეგრი :”გუნდიდან წასული ფეხბურთელები? ეს არის ნორმალური მომენტი.. თუმცა, გუნდში მოვიდა ხედირა, რომელიც მადრიდის რეალში ასპარეზობდა. მარიო მანჯუკიჩი – ხორვატი საკმაოდ მაღალი დონის გამოცდილი თავდამსხმელია. პლიუს ამასთან ახალგაზრდა იმედისმომცემი ფეხბურთელები. არ უნდა დაივიწყოთ ვინები დარჩნენ.. პირველ რიგში კაპიტანი, შემდეგ ბონუჩი, კიელინი, მარკიზიო.. ესენი არიან ვარსვკვლავები ვისზეც შენდება და აგრძელებს მოძრაობას გუნდი წინ. ევრა კვლავ ჩვენთანაა, ისევე როგორც პადოინი. ყველაფერთან ერთად 31 აგვისტომდე გვაქვს საშუალება მეტად გავაძლიეროთ პოზიციები, რომლებსაც ჯერ კიდევ მეტ ნაკლებად პრობლემატურებად განვიხილავთ. სწორი და კონკრეტული იდეები გვაქვს და ეტაპობრივად მივუყვებით. პირველი ნაბიჯი მეტად შემტევი მოთამაშის მოძიებაა”.

მაროტა :”ამაზე უკვე ბევრი ითქვა დაიწერა. გუნდი უკვე ამ ეტაპზევე არის ჩამოყალიბებული, მაგრამ რამდენიმე პოზიციის მეტად შევსება ნამდვილად არის შესაძლებელი. ჩვენ ძალიან ყურადღებით ვაკვირდებით თითოეულ ნაბიჯს, რადგან ფინანსური სისტემა ეს არის მსხვრევადი სფერო და შესაბამისად ფრთხილად მოგვიწევს ყოფნა. უკვე დავამტკიცეთ არაერთხელ, რომ დიდი ინვესტიციის გარეშედაც არის შესაძლებელი გუნდის გაძლიერება. წლევანდელ სატრანსფერო პერიოდში ასეთი არის ხედირა. ამიტომაც მოვითმინოთ და შევხედოთ როგორ განვითარდება მოვლენები. ჩვენი მიზანი არის გუნდის გაძლიერება და არა შესუსტება. გასულ სეზონთან შედარებით მეტი წინსვლაა როგორც ფინანსურად ასევე სპორტული შედეგებითაც. ეს პოზიტიურად აისახა ასევე ინვესტორების კუთხითაც. იუვე ისევ გახდა მიმზიდველი და მისდამი გაცილებით მეტ ინტერესს იჩენენ”.

ალეგრი :”ახალგაზრდა იმედისმომცემი ფეხბურთელი არ ნიშნავს უკვე შემდგარს. ამისთვის არიან საჭირო მწვრთნელები, რომ მათი პროგრესი არ შეჩერდეს და პირიქით განვითარდეს ნაყოფიერად. სწორად უნდა დაინახო თუ რა დროს ჩართო საქმეში და რა დროს პირიქით მოხსნა თამაშიდან. მაგრამ დარწმუნებული ვარ ჩვენს შემთხვევაში ყველაფერი კარგად ჩაივლის. დღევანდელ იუვეს აქვს საშუალება, რომ დომინირებდეს კიდევ 5 წელი იტალიაში და ასევე ნაყოფიერი იყოს ევროპაშიც. შარშანდელი ლიგის ფინალი ამისი ნათელი მაგალითია. აუცილებელია არჩეული სწორი კურსის გაგრძელება. ხედირა და მანჯუკიჩი ამ გუნდს კიდევ უფრო მეტად კონკურენტუნარიანს ხდიან. წინ მომსამზადებელი ეტაპი და სუპერ თასი გველის ჩინეთში. აქ უკვე ბევრი რამ გამოჩნდება. ნებისმიერ შემთხვევაში 31 აგვისტომდე ბევრი დრო გვაქვს, რათა კიდევ ერთხელ ავწონ დავწონოთ სიტუაცია”.

მაროტა :”ამ მხრივ ორიოდე წუთის წინ უკვე ვისაუბრე. არ ვიცი რომელ ფეხბურთელს უფრო მეტი შანსი აქვს მოსასვლელად და რომელს ნაკლები. გუნდი განვმეორდები მეტ ნაკლებად დაკომპლექტებულია და უბრალოდ რამდენიმე პოზიციის გადახედვისთვის გავივლით მწვრთნელთან კონსულტაციას. ფეხბურთელის პროფილი ბევრ ფიქრს და განსჯას საჭიროებს”.

ალეგრი :”მოახლოებული სეზონი მეტად დაბალანსებული იქნება, რადგან კონკრენტები საკმაოდ კარგად მოძლიერდნენ. პირველ რიგში ეს ეხება ინტერს და მილანს. რომა ისედაც კონკურენტუნარიანი იყო ხოლო ნეაპოლიტანელებს ჯერ კიდევ ყველაფერი წინ აქვთ”.

მაროტა :”პოგბა? საერთოდ იუვეს ფილოსოფია ყველასათვის არის ნათელი. ტევესთან და პირლოსთან ჩვენ გვქონდა კონსულტაციები. ორივეს სურდა ახალი თავგადასავალი და ბუნებრივია იუვენტუსი იზიარებს საკუთარი მოთამაშეების სურვილს. რაც შეეხება ვიდალს.. მასთან არაერთხელ ვისაუბრე ბოლო ხანებში და უკანასკნელ წამებშიც კი ვეკითხებოდი ნამდვილად სურდა თუ არა წასვლა.. როდესაც მივიღე თანხმობა იუვენტუსი დათანხმა ფეხბურთელის ნებას. ფრანგის შემთხვევაში კი როგორც ჩანს სიტუაცია სხვაგვარად არის. ის გრძნობს გუნდისადმი იმ თბილ დამოკიდებულებას რის ხარჯზეც მომავალშიც ჩვენთან იქნება. გუნდი საჭიროებს პოგბას და როდესაც ეს ყოველივე ორმხრივად არის საუბარი რაიმე ტრანსფერზე გაუაზრებელია”.

ალეგრი :”ხედირა? ის საკმაოდ მაღალი დონის ნახევარმცველია. სემს არ გამოუვიდა გასული სეზონი და შედეგად მოტივაცია წარმატებისთვის ამ ეტაპზე ნამდგილად არ აკლია”.

მაროტა :”ისევ და ისევ განვმეორდები, რომ პოგბას იუვენტუსი არ ყიდის და შესაბამისად საუბარი ტრანსფერზე ამ კუთხით არ იქნება, ხოლო სხვა პოზიციაზე პირიქით განვიხილავთ მწვრთნელთან ერთად შესაძლო ვარიანტებს”.

მაროტა :”ალექს სანდრო? ნამდვილად საინტერესო ფეხბურთელია, მშვენიერი მახასიათებლებით. მეტის თქმა ამ ეტაპზე არ შემიძლია”.

ალერგი :”გუიდო ვადალა? მასსზე ჯერჯერობით ვერაფერს ვიტყვი, რადგან ერთხელ ვნახე საქმეში და სამწუხაროდ მცირე დაზიანება მიიღო”.

მაროტა :”სატრანსფერო ფანჯარა ელვისებურად მიისწრაფვის წინ. ფაქტია, რომ ჯერჯერობით ინტერი აქტიურობს. ჩვენ კი პრინციპში უდიდესი საქმე მის დაწყებამდე ბევრად ადრე განვახორციელეთ”.