ლიპი: ” “რომამ” შეამცირა სხვაობა “იუვენტუსთან” “

“სერია ა” -ს მორიგი პირველობის დაწყებამდე ერთი კვირით ადრე ცხადია, რომ გულშემატკივარს მეტად დაბალანსებული და საინტერესო ჩემპიონატი ელოდება. იტალიური ფეხბურთის სპეციფიკა მარჩელო ლიპის შესანიშნავად ესმის და ვეტერან სპეციალისტსაც სჯერა, რომ “იუვენტუსს” რიგით 34-ე “სკუდეტოს” მოპოვებაში ძლიერი კონკურენტები ჰყავს. “ბებერი ქალბატონის” ყოფილმა დამრიგებელმა “იუვეს” სატრანსფერო პოლიტიკაზეც ისაუბრა…

” “რომამ” მნიშვნელოვნად შეამცირა სხვაობა “იუვენტუსთან”. შეხედეთ მათ: ძეკო, სალა, ტოტი, იტურბე და იბარბო. ეს ძალიან ძლიერი კოლექტივია. მაგრამ გუნდი, რომელიც ოთხი წელიწადია ზედიზედ იმარჯვებს, მაინც ფავორიტად უნდა ჩაითვალოს. ის თუ შეიცვალა არ ნიშნავს, რომ მაინცდამაინც უფრო სუსტი გახდა. ეს მხოლოდ იმის მანიშნებელია, რომ კლუბმა საკმარისი სიმამაცე და წინდახედულება გამოიჩინა.ნათელი ხედვითა და სწორი ინვესტიციებით “ბიანკონერი” ისევ ვაფორიტია, მიუხედავად იმისა, რომ სამი ხედირას ტრავმამ პრობლემები შექმნა. ”

” პოგბა? ის დაბადებულია ლიდერად და ათნომრიან მაისურს იმსახურებს. “იუვეში” დარჩენის გადაწყვეტილების მიღებით მან აჩვენა, რომ ძლიერი ხასიათი აქვს. ახლა უნდა დაამტკიცოს თავისი ლიდერული თვისებები და საფეხბურთო გენია იმ უადგილო ცრუმოძრაობების დავიწყებით, რომელსაც ზოგჯერ გვთავაზობს ხოლმე.”

” რაც შეეხება დიბალას, მასზე მხოლოდ ტექნიკური თვალსაზრისით შემიძლია, გესაუბროთ. ეს არის თავდამსხმელი, რომელიც თავის თავში ბრწყინვალებსასა და ინტუიციას აერთიანებს. როცა ცოტაოდენ ფიზიკურ ძალასაც მოიკრებს, იდეალური გახდება. ”

” “იუვენტუსისა” და “რომას” უკან “მილანს” დავაყენებდი. მილანელთა გუნდი საკმაოდ გაძლიერდა და ამასთან მოტივირებულებიც არიან. სინიშა მიჰაილოვიჩმა ბევრი პოზიტივი მოუტანა მათ. “ინტერმა”, მეორე მხრივ, ბევრი რამ შეცვალა და კიდევ სურთ ცვლილებები. ასეთ შემთხვევებში, თითების გატკაცუნება ძლიერი გუნდის შესაქმნელად საკმარისი არაა. რაც შეეხება “ფიორენტინას”, ინტერესით ველოდები მათ თამაშს, ფლორენციელებმა უკვე კარგად დაიწყეს. შესაძლოა, მოწინავეთა შორისაც კი აღმოჩნდნენ. ახალი მწვრთნელი პაულო სოუსა საკუთარი ძალების რწმენას ჰმატებს ფლორენციელებს,” -აცხადებს ლიპი.

წყარო: football italia