დრაქსლერმა გაიტანა, ჯერი მაროტაზეა..

ბედის ირონიაა ალბათ ის ეპიზოდი, როდესაც სატრანსფერო ფანჯრის პერიოდში ის ფეხბურთელი გაიტანს გოლს, რომელსაც უკვე თვეებია უშედეგოდ იფორმებ.. ასე მოხდა იუვეს შემთხვევაშიც.. შალკემ მართალია ვერ მოიგო, მაგრამ ეს ჩვენთვის მეასე ხარისხოვანია. ობიექტურობისთვის ისიც უნდა აღინიშნოს, რომ ვინც პირველად უყურებდა გელზენკირხენელთა ბურთის გორაობას მათი 10 ნომერის გარდა ძნელია რომელიმეს მაღალი კლასის მოთამაშე უწოდო.. აშკარაა, რომ იულიანი გაცილებით მაღლა დგას ყოველ მათგანზე და სრულებით ბუნებრივია ჰელდტი მაქსიმალურად ეცდება მის შენარჩუნებას ან მინიმუმ სარფიანად გაყიდვას. ამ შეხვედრაშიც მისი თამაში აშკარად გამოირჩეოდა.. ბურთის კონტროლი, გადაცემები და ჭკვიანური გამწვავებები.. და ბოლოს.. გოლი რომელმაც მარცხისგან იხსნა გუნდი. ისე მაქსიმალურად სამართლიანები, რომ ვიყოთ დრაქსლერმა ერთ ეპიზოდში ცენტრში დაკარგა ბურთი და მეტოქეს რომ უკეთ გამოეყენებინა მომენტი შესაძლოა დრაქსლერის ფასი უფრო დავარდნილიყო კიდევაც.. იულიანმა საკუთარი სვლა გააკეთა და ეხლა ვნახოთ რას იზამს მაროტა, რომლის წარმომადგენლები ან თავად ბიანკონერის გენერალური დირექტორი აუცილებლად დააკვირდებოდნენ გერმანელი გამთამაშებლის ასპარეზობას.