მარიო ლემინას პრესსკონფერენცია

“ვესაუბრე თუ არა პოგბას აქ გადმოსვლისას? არა, თუმცა მას შემდეგ რაც კლუბთან ოფიციალურად გავაფორმე ხელშეკრულება პოლს შევხვდი და ვესაუბრე. მან მითხრა, რომ ეს არის უსაზღვროდ პროფესიონალური ადგილი სადაც დიდ ყურადღებას აქცევენ ტექნიკას და ტაქტიკას. იმედი მაქვს ადაპტაციას რაც შეიძლება მალე გავივლი, რადგან კლუბს სარგებელი მოვუტანო.

მსგავსება ვიდალთან? არ ვიცი რამდენად არის ეს მართებული შეფასება, რადგან ჩვენ ეხლა ვსაუბრობთ მსოფლიო დონის პერსონაზე, რომელსაც თანაბრად კარგად ეხერხებოდა შეტევაც და დაცვაც. ეტაპობრივად და საკუთარ თავში რწმენით ნებისმიერი მიზნის მიღწევაა შესაძლებელი და ცდას ამ კუთხით ნამდვილად არ დავაკლებ.

პოზიცია? ბიელსამ რამდენიმე სამ კაციან ტაქტიკაში მცველადაც მათამაშა, თუმცა ჩემი უსაყვარლესი პოზიცია არის მცველების წინ ყოფნა და ბურთის გათამაშება. ეს არის ის რაც გამომდის ყველაზე კარგად, მაგრამ თუ მწვრთნელს რაიმე სხვა იდეა ექნება მზად ვარ თითოეული მითითება გავითვალისწინო და შევასრულო.

ვის მოვყავდი აღფრთოვანებაში იუვედან? დელ პიეროს და ძალიან სამწუხაროა რომ დღეს ის აქ აღარ არის. თუმცა საკუთარი პოზიციიდან გამომდინარე ნედვედს გამოვარჩევდი. ის საოცარი იყო და მისი გადაადგილება მოედანზე აღფრთოვანებას და სიამოვნებას მანიჭებდა. საერთოდ მისი თამაშის სტილი ძალიან მესიმპატიურება. ნედვედს არაერთი ლამაზი, მნიშვნელოვანი და საჭირო გოლი აქვს გატანილი, მიუხედავად იმისა რომ არ იყო ფორვარდი.. კარგი იქნებოდა ანალოგიური შედეგის მიღწევა.

მსურს ვისარგებლო შემთხვევით და მარსელო ბიელსას პერსონალური მადლობა გადავუხადო. იგი ბრწყინვალე სპეციალისტია, რომელიც ბევრ რამეს ასწავლის ფეხბურთელებს და მისგან თავადაც უამრავი რამ შევიძინე. იყო თუ არა ნაჩქარევი ეს ნაბიჯი? მწვრთნელთან და ხელმძღვანელობასთან ერთად უამრავი ვარიანტი განვიხილეთ, მაგრამ იუვეს უარს ვერასოდეს ეტყვი.