პელეგრინი: ” კრიზისი? რა კრიზისი? “

“მანჩესტერ სიტის” მწვრთნელს მანუელ პელეგრინის არ სჯერა, რომ “იუვენტუსი” იტალიის ჩემპიონატის პირველ ორ ტურში მარცხის შემდეგ კრიზისშია. შეგახსენებთ, “ბებერი ქალბატონი” თავის პირველ შეხვედრას “ჩემპიონთა ლიგის” ფარგლებში სწორედ “სიტის” წინააღმდეგ გამართავს: ” “იუვენტუსმა” გასული ოთხი სეზონის განმავლობაში ზედიზედ შეძლო იტალიური პირველობის მოგება. მათ ძლიერი გუნდი ჰყავთ. კრიზისი? რა კრიზისი? სეზონი ჯერ მხოლოდ დაიწყო, თანაც შიდა ჩემპიონატი და “ჩეპიონთა ლიგა” სულ სხვადასხვა რამაა. არ ვაპირებთ ტურინელების დაუფასებლობას, ჯერ მხოლოდ გუშინ ფინალში ითამაშეს. არ ვფიქრობ, რომ “უდინეზესა” და “რომასთან” მარცხს საერთოდ რაიმე მნიშვნელობა უნდა მივანიჭოთ. ვიცით, რომ რთული იქნება და იმავეს ვიტყვი “სევილიაზეც”. მორატა? ალვარო კარგი ფეხბურთელია, მაგრამ ალეგრის განკარგულებაში სხვა ჩემპიონებიც ირიცხებიან. ფრთხილად ყოფნა გვმართებს. ” -აცხადებს პელეგრინი.

წყარო: football italia