ალეგრი:”კლუბმა ნაყოფიერი სატრანსფერო პოლიტიკა გაატარა”

მაქს ალეგრი ნიონში ტოპ კლუბების მწვრთნელების შეხვედრას დაესწრო. ბუნებრივია ჟურნალისტებთან შეხვედრისას მას იუვეს “მინი კრიზისზე” მოუხდა საუბარი:“მშვენიერი გუნდი გვყავს, რომელიც სატრანსფერო ფანჯრის პერიოდში კიდევ უფრო მოძლიერდა. ეს ყოველივე დაგვეხმარება ევროპული სარბიელის პირველი ეტაპის დაძლევაში, მაგრამ ჯერჯერობით საუბარი კიევოსთან მატჩს უნდა შეეხოს. ყველაფერს გავიღებთ სეზონში პირველი მატჩი მოვიგოთ. მართალია ჯერჯერობით 0 ქულით ბოლო ადგილს ვიკავებთ, მაგრამ გამომდინარე იქიდან რომ სათავეში მყოფს 6 აქვს საუბარი რაიმეზე ნაადრევია. ჩემპიონატი გრძელია და ყველაფრის დაბრუნება შეიძლება”..

“რას უფრო ვუყურებ 6 ქულას თუ 4 ქულას, რომელიც გვაშორებს რომას და ინტერს? ჩემპიონატის მსვლელობისას ვაკვირდები იმას თუ ვინ არის პირველ პოზიციაზე. შესაბამისად ეს არის სასუოლო, რომელმაც კარგად დაიწყო გათამაშება. მიუხედავად ამისა რეაბილიტირების შესაძლებლობა გვაქვს და მას ხელიდან არ გავუშვებთ. სასიამოვნოა ის ფაქტიც, რომ სანაკრებო პაუზის შემდეგ თითქმის ყველა ფეხბურთელი იქნება ჩემს განკარგულებაში.

რამდენი ქულით შევაფასებ სატრანსფერო საქმიანობას? ასეთი სახის კითხვებით ექსპერტებს უნდა მიმართოთ. ფაქტია, რომ ხელმძღვანელობამ ზაფხულში დასახული მიზნები სრულად შეასრულა. ჩვენ გვესაჭიროებოდნენ ფეხბურთელები რომლებიც მომცედნენ ტაქტიკის ვარირების საშუალებას. სატრანსფერო ფანჯარა არ იყო იოლი რიგი მიზეზების გამო, მაგრამ ჯამში შეძენილი ფეხბურთელებით კმაყოფილი დავრჩი”.

წყარო: tuttosport