ემერი: ” “იუვენტუსი” ჯგუფის ფავორიტია “

უნაი ემერის მანუელე პელეგრინის მსგავსად, “იუვენტუსის” წარუმატებელი სტარტისთვის განსაკუთრებული ყურადღების მინიჭება არ სურს. “სევილიას” დამრიგელი ფიქრობს, რომ იტალიის ჩემპიონები ისევ მნიშვნელოვან ძალას წარმოადგენენ და მათთან ორ ურთულეს დაპირისპირებას ელოდება: “ “იუვენტუსი” და “მანჩესტერ სიტი” ჯგუფის ფავორიტები არიან. “მიუნჰენგლადბახმა” და ჩვენ უნდა ვცადოთ გავურთულოთ მათ საქმე. ვიცით, რომ რთული იქნება, მაგრამ გვინდა სიურპრიზი შევთავაზთ მეტოქეებს. ზუსტად ვიცით რისი მიღწევა უნდა ვცადოთ მათი გაკვირვებისთვის. “იუვენტუსის” “უდინეზესა” და “რომასთან” მარცხს არ ვენდობი. დარწმუნებული ვარ, ჩვენს წინააღმდეგ ისევ ის გუნდი ითამაშებს, რომელიც ოთხი წელიწადია იტალიაში დომინირებს და სულ რამდენიმე თვის წინ “ჩემპიონთა ლიგის” ფინალში ითამაშა. “იუვენტუსს” ბევრი მაღალი დონის მოთამაშე ჰყავს განსხვავებული თვისებებით და, შესაბამისად, მრავალი ფორმაციის მორგება შეუძლია. კუადრადო ვინგერია, რომელსაც ფლანგზე რიცხობრივი უპირატესობის მდგომარეობის შერქმნა ძალუძს, მაგრამ ტურინელები ცენტრშიც კარგად არიან აღჭურვილნი. ყველაფერს ვიხილავთ, მაგრამ კრიზისში მყოფ გუნდს ნამდვილად არ ველოდები. ისინი ისევ იქნებიან დომინანტები როგორც იტალიის ჩემპიონატში, ისე “ჩემპიონთა ლიგაში”, როგორც ყოველთვის. ” -ცხადებს უნაი ემერი Tuttosport -თან საუბრისას.

წყარო: football italia