პოგბა: ” რატომ დავრჩი? წასვლის მიზეზი არ მქონდა “

9 years ago Nachke

სატრანსფერო ფანჯრის დახურვის შემდეგ ბევრი დრო არ გასულა და ჟურნალისტები ისევ პოგბას მომავლით ინტერესდებიან. ზოგიერთი გამოცემა იუწყებოდა, პოგბამ “ჩელსის” უარი მხოლოდ “ბარსელონაში” გადასვლის გამო უთხრაო, მაგრამ აღმოჩნდება თუ არა ეს სეზონი ბოლო “იუვენტუსის” მაისურით ფრანგისთვის, მხოლოდ მომავალ ზაფხულს შევიტყობთ. ნახევარმცველს ფრანგული Telefoot ესაუბრა: “ რატომ დავრჩი? იმიტომ რომ წასვლის მიზეზი არ მქონდა. ჩემი წასვლის საკითხი არასოდეს გადაწყვეტილა. სიამოვნებით დავრჩებოდი და სწორედ ეს მოხდა. “იუვენტუსის” ფეხბურთელი ვარ და მიხარია ეს. რამდენი ხანი დავრჩები არ ვიცი. ახლა მხოლოდ იმაზე ვარ კონცენტრირებული, რომ კარგად წარმოვაჩინო საკუთარი თავი. “ბარსელონა”? არაფერი ვიცი, სეზონის დასრულების შემდეგ ვნახოთ, რა იქნება. “