იუვეს და ჩელსის შორის ჯენტლმენური შეთანხმებაა

იტალიური პრესის მტკიცებით ლონდონის ჩელსისა და იუვენტუსს შორის არსებობს ჯენტლმენური შეთანხმება კუადრადოს ტრანსფერთან დაკავშირებით. ტურინელებმა კოლუმბიელი არენდის წესით აიყვანეს, რომელიც 1.8 მილიონი ევრო დაუჯდათ. თუმცა, როგორც ირკვევა იტალიელებს გამოსყიდვის უფლება ოფიციალურად არ ჩაუდიათ კონტრაქტში. La Gazzetta dello Sport-ის ინფორმაციით კი მხარეებს შორის არსებობს სიტყვიერი შეთანხმება, რომლის თანახმადაც ტურინელებს 22 მილიონ ევროდ შეეძლებათ სამხრეთ ამერიკელის გაფორმება. შეგახსენებთ, რომ თავის დროზე ინგლისელებს კუადრადო 31 მილიონი დაუჯდათ, მაგრამ ნისლიან ალბიონზე ნახევარმცველი ფეხი ვერაფრით მოიკიდა. აპენინებზე დაბრუნებულს კი როგორც ჩანს კვლავ დაუბრუნდა ის ენერგია, რითაც აქამდე აკვირვებდა იტალიელ ტიფოზს.

წყარო: football-italia