ლორენტე:”იუვეს შედეგებს ძალზედ განვიცდი”

ჩემპიონთა ლიგის მე-2 ტურში ტურინელები სევილიას დაუპირისპირდებიან, სადაც ექს იუვენტინო ფერნანდო ლორენტე ასპარეზობს. ბასკი ფორვარდი საკმაოდ დამწუხრებულია ექს თანაგუნდელების ბოლოდროინდელი შედეგებით:“ორი შესანიშნავი წელიწადი გავატარე ტურინში და ეს ქალაქი მუდამ ჩემს გულში დარჩება. უსაზღვროდ განვიცდი იმ ფაქტს, რაც ეხლა კლუბის თავს ხდება. თავს კვლავინდებურად იუვენტინოდ მივიჩნევ და ჩემთვის ძალზედ მძიმეა ყოფილი თანაგუნდელების პრობლემების ხილვა. ფაქტია, ტევესის, პირლოს და ვიდალის წასვლა ნეგატიურად აისახებოდა, მაგრამ ეტაპობრივად ახალი ფეხბურთელები იპოვნიან შესაბამის რითმს და სიტუაციას დაალაგებენ. რატომ წავედი? სათამაშო დრო შემიმცირდებოდა და საერთოდაც ისინი დიდად არ დარდობდნენ ამ ფაქტზე. მიუხედავად ყველაფრისა დარწმუნებული ვარ მალე დაიბრუნებენ ძირძველ პოზიციებს, თუმცა სატურნირო ცხრილის სათავეში იუვესთვის არასასიამოვნო ფიგურები იმყოფებიან”.

წყარო: Football-Italia