ფეხბურთელების შეფასებები

გთავაზობთ ტურინის “იუვენტუსის” ფეხბურთელების შეფასებებს ნეაპოლიტანელთა წინააღმდეგ ჩატარებული მატჩის შემდეგ. ჟურნალისტების მოსაზრებით ბიანკონერის რიგებიდან საუკეთესოდ თავი მარიო ლემინამ წარმოაჩინა, ხოლო დანარჩენ მოთამაშეთა უმეტესობას 5.0 ერგოთ..

ბუფონი – 5.5 – რთულია ჯიჯის დადანაშაულება პირველ გაშვებულ ბურთში, რადგან ამ ეპიზოდში დაცვამ იდეალურ დასარტყმელ პოზიციაზე გაიყვანა ინსინიე, რომელსაც არ გასჭირვებია ბუფონის მოძრაობაზე დაჭერა. მეორე გოლის დროს მეტი ყურადღება მართებდა, როდესაც პოზიციას ირჩევდა.

პადოინი – 5 – უჭირდა მეტოქის შეჩერება. მერტენსის მოედანზე გამოსვლამ დამატებით თავისტკივილი შესძინა. ერთ-ერთი ყველაზე ნეგატიური რგოლი ამ თამაშში.

ბონუჩი – 5.5 – ამ საღამოს დაცვის ხაზიც არ იყო მოწოდების სიმაღლეზე. იბრძვის თუმცა როდესაც კლუბი კრიზისშია ეს ყველაზე ისახება. 2-0 ბუნებრივია მის თამაშსაც და შეფასებასაც ქვემოთ აგდებს.

კიელინი – 6.5 – დაუღალავი მეომარი, რომელიც არ ნებდება და ბოლომდე იბრძვის. სამწუხაროდ ერთი ომში ვერასოდეს გაიმარჯვებს.

ევრა – 6 – საკუთარ ფლანგზე საიმედოა და მეტოქეს პრაქტიკულად არ აძლევს შანს.

ლემინა – 6.5 – აქტიურია და დაუღალავი. მეტოქეს პრესინგის ქვეშ ამყოფებს და საკუთარ ზონებს კეტავს. იგუაინის გოლის შემდეგ აბრუნებს გუნდს ბრძოლაში.

ჰერნანეში – 5 – ვერაფერს უხერხებს იმ სათამაშო ტემპს, რომელიც ნეაპოლიტანელთა შუახაზელები სთავაზობენ. ვერ გრძნობს რითმს და ვერც თავად ჰქმნის მას გუნდისთვის. უშვებს უხეშ შეცდომას, რომელიც იგუაინის მიერ გატანილ გოლს იწვევს.

კუადრადო – 5.5 (65 წუთიდან) – შესაძლოა მეტ ქულას იმსახურებდა იმ ეფექტური თამაშისთვის რაც გააკეთა, მაგრამ ნეაპოლიტანელები მასაც საიმედოდ კეტავენ.

პოგბა – 5 – ინდივიდუალურად ცდილობდა თამაშს, რაც არ იღებდა სასურველ შედეგს. მეტოქე ადვილად ბლოკავდა მის მცდელობებს. მეორე ნახევარში საერთოდ გაქრა მოედნიდან.

პერეირა – 5 – ტრეკუარტისტას პოზიციაზე გამწესებულმა ვერაფერი მოუხერა ორ ფორვარდს, რომლებიც მისგან შესაბამის მანევრირებებს ელოდნენ.

ძაძა – 5.5 – ძირითადათ თამაშგარე მდგომარეობის ხშირი სტუმარი იყო. ბევრს შრომობდა, მაგრამ პროდუქტიულობა ამისგან არ გაზრდილა.

დიბალა – 5 – საიმედოდ ჩაკეტეს სარის მიერ შექმნილ ბადეში. ყოველთვის ასწრებენ, ბლოკავენ და აჩერებენ წინსვლას.

მორატა – 6 (61 წუთიდან)- გამოსვლისთანავე ჰქმნის ხიფათს. ნამდვილად ჩანს, რომ მის გარეშე იუვეს თამაში გამორიცხულია.

ალეგრი – 5

წყარო: tuttomercatoweb