ალეგრი:”ჩვენი დავალება ჩემპიონთა ლიგის ფინალში გასვლაა”

წინასამატჩო პრესსკონფერენციაზე მასიმილიანო ალეგრი-მ პრაქტიკულად მთელი სასტარტო შემადგენლობა დაასახელა. მწვრთნელს თავდაპირველად საუბარი დაშავებულ მოთამაშეებზე მოუხდა, რომლებიც ვერ დაეხმარებიან კლუბს ჩემპიონთა ლიგის მე-2 ტურის მატჩში:

“სამწუხაროა, რომ შვეიცარიელი ვერ შესძლებს ჩვენს დახმარებას, რადგან ექიმებს დამატებითი ტესტების გატარება მოუნდათ მისი ჯანმრთელობის მდგომარეობასთან დაკავშირებით. კასერესთან დაკავშირებით თემას არ გავავრცობ უბრალოდ ვიტყვი, რომ მან აღიარა შეცდომა და არასწორი საქციელი. მოედანზე ანდრეა ბარძალისთან ერთად გავალთ და იქნება ეს ტაქტიკური მოდული სამი მცველით თუ ოთხით ჯერ ვერ გადავწყვიტე. სასიხარულოა სემი ხედირას დაბრუნება, რომელიც მსოფლიო დონის მოთამაშეა. მას დიდი ხანია არ უასპარეზია, თუმცა მატჩს აუცილებლად სასტარტოდან დაიწყებს. მის გარდა მინდორზე ბუფონს, ევრას, ბარძალის, ბონუჩის, კიელინის, კუადრადოს, ხედირას, მორატას და დიბალას ვიხილავთ. მოდით ერთ ნახევარმცველს საიდუმლოდ შევინახავ.

კუადრადოს არ შეუძლია ყოველ მომდევნო მატჩში 95 წუთით იასპარეზოს, რადგან ერთ მშვენიერ დღეს ნახევარ ტაიმსაც ვეღარ მიაღწევს. იგივე ეხება ლემინას, რომელიც მცირედით გადაიღალა. ჩვენთვის ეხლა მთავარია გარკვეული ტაქტიკური მანევრირებების უკეთ შესწავლა. როტაციისთვის მთავარია გვქონდეს ორი ტაქტიკური სქემა, რომელიც უმტკივნეულოდ გადაგვატანინებს გარკვეული ფეხბურთელების არყოფნას. ჯერჯერობით მნიშვნელოვანი პრობლემა მარჯვენა მცველის პოზიციაზე მაქვს და მომიწევს შესაბამისი რეაგირების მოხდენა”.

სევილიელები ისევე როგორც იუვე წარუმატებლად ასპარეზობს შიდა გათამაშებაში..

“დიახ, ამ მხრივ გარკვეული მსგავსებაა. მოედანზე გასვლისას მაქსიმალური კონცენტრაცია და თავგანწირვა იქნება საჭირო. ჩემპიონთა ლიგის მოგება შესაძლოა ოცნება იყოს, მაგრამ ფინალში გასვლა არის დავალება. აუცილებლად უნდა გავინაღდოთ 1/8 ფინალში ასპარეზობის უფლება. ევროპული ფეხბურთი სწრაფად პროგრესირებს და იმისთვის, რომ ყოველ მომდევნო სეზონში შედარებით იოლი მეტოქეები შეგვხდნენ უნდა ვიმარჯვებდეთ ქვე ჯგუფებში”.

მწვრთნელს ჰერნანეშის ცუდ თამაშზეც მოუხდა პასუხის გაცემა:

“მან კარგად წარმოაჩინა თავი სიტისთან შეხვედრაშიც. საერთოდაც, ბრაზილიელი შესანიშნავი ტექნიკის პატრონია, უბრალოდ ნეაპოლიტანელთა წინააღმდეგ ასპარეზობისას რითმიდან ამოვარდა. 3-5-2 არ არის ამ გუნდისთვის ერთადერთი ტაქტიკური მოდული. ახალ სქემებს დრო ესაჭიროება, რადგან მაქსიმალური სარგებელი ვიხილოთ. გუნდში 10 ახალი ფეხბურთელია და მათ ყველაფერი 0-იდან უნდა ავუხსნათ”.

მასიმილიანო ალეგრისთან ერთად პრესსკონფერენციაზე ჟურნალისტების წინაშე ჯანლუიჯი ბუფონი-ც წარსდგა. კაპიტანის სიტყვებით თუ გუნდი კონცენტრირებულია მაშინ ნებისმიერი მეტოქის წინააღმდეგ შეუძლია მაღალ დონეზე ასპარეზობა:

“როდესაც არ გიმართლებს და ამის გამო ნეგატიურ შეფასებებს იღებ აუცილებელია ადეკვატური რეაგირება და პასუხის სათანადო დონეზე გაცემა. როგორ? იდეალური ასპარეზობით, რომელიც გამოიხატება ემოციურ და ინტენსიურ სტილში მთელი 90 წუთის მანძილზე. სწორი ბალანსის მოძიება მოგვიწევს, რომელიც საბოლოო ჯამში წარმატების მთავარი გარანტი გახდება”.

ტურინელები საშინლად ასპარეზობენ კალჩოში, მაგრამ ევროპული თავგადასავალი გამარჯვებით დაიწყეს:

“გამარჯვება ჩვენს ქვე ჯგუფში ერთპიროვნულ გალიდერებას ნიშნავს. რიგ ეპიზოდებში წარსულში დაშვებული შეცდომები გამარჯვებას კითხვის ნიშნის ქვეშ აყენებს. თუ აგრესიულები, ხისტები და ემოციურად სავსენი ვართ, მაშინ იუვენტუსის შეჩერება პრაქტიკულად შეუძლებელია. ერთმანეთს მხარში უნდა ამოვუდგეთ და დადებით შედეგს სტაბილური სახე მივცეთ”.

პარადოქსია, მაგრამ ევროპა ლიგის ფინალში როდესაც იგი იუვე არენაზე იმართებოდა სწორედ სევილიამ მოიპოვა.. მაშინ ტურინელები ამ გათამაშებას ნახევარფინალიდან გამოეთიშნენ:

“თუ ჩვენ ვერ შევძელით მათთან ფინალში ასაპრეზობა, გამოდის რომ არ ვიმსახურებდით”.

კაპიტანმა ასევე გააკეთა კომენტარი მარტინ კასერესის თავს შექნილ მდგომარეობაზე..

“მარტინს გუნდისგან სრული ნდობა აქვს. კასერესი უდაოდ გამორჩეული პროფესიონალია, რომელმაც პირველმა გააცნობიერა ჩადენილი დანაშაულის სიმძიმე”.

წყარო: ტურინის “იუვენტუსის” ოფიციალური ვებ გვერდი