ბიანკონერები ეროვნულ ნაკრებებში მიიწვიეს

ტურინის “იუვენტუსის” შემადგენლობიდან ეროვნულ ნაკრებებში ერთბაშად 15 ფეხბურთელს უხმეს.განსაკუთრებით აღსანიშნავია, პაულო დიბალას სადებიუტო მიწვევა არგენტინის ეროვნულ გუნდში და ალვარო მორატას დაბრუნება ფურია როხაში.იტალიის ეროვნული გუნდი, რომლის შემადგენლობაშიც ჯიჯი ბუფონი, ჯორჯო კიელინი, ლეონარდო ბონუჩი, ანდრეა ბარძალი და სიმონე ძაძა იასპარეზებენ, 10 ოქტომბერს აზერბაიჯანს დაუპირისპირდება ბაქოში, 13 ოქტომბერს კი ნორვეგიას, რომში.U21 ნაკრების წევრი დანიელე რუგანი კი ჯერ სლოვენიის ახალგაზრდებს, შემდეგ კი ირლანდიის დუბლ შემადგენლობას გაეჯიბრება.ორ ამხანაგურ მატჩს გამართავენ მოახლოვებული ევროპის ჩემპიონატის მასპინძლები, ფრანგები სომხებსა და დანიელებს დაუპირისპირდებიან.მარტინ კასერესი 8 ოქტომბერს ბოლივიას შეერკინება, 14 ოქტომბერს კი ხუან კუადრადოს კოლუმბიის ნაკრებს, მანამდე, “ჩელსის” ექს-ფლანგელი, პერუსთან გამართავს მნიშვნელოვან შეხვედრას.

პაულო დიბალასა და რობერტო პერეირას არგენტინის ნაკრები ბუენოს აირესში 9 ოქტომბერს ეკვადორს უმასპინძლებს, 14 ოქტომბერს კი პარაგვაის ქალაქ ასუნსიონს ესტუმრება.ნაკრებში დაბრუნებულ ალვარო მორატას ლუქსემბურგთან და უკრაინასთან მოუწევს ძალების მოსინჯვა, მარიო ლემინა გაბონის ნაკრებთან ერთად ჯერ ტუნისს, შემდეგ კონგოს გაეჯიბრება.დაგვრჩა მხოლოდ მარიო მანჯუკიჩი, რომელმაც სულ ახლახან მოიშუშა ტრავმა, თუმცა ამის მიუხედავად ნაკრებში მაინც უხმეს.ხორვატია 10 ოქტომბერს ზაგრებში ბულგარეთს უმასპინძლებს, 13 – ში კი მალტას ესტუმრება.

გარდა ამ 15 ფეხბურთელისა, ვინოვოს ბაზაზე რჩებიან ის მოთამაშეებიც, რომლებსაც აუცილებლად მიიწვევდნენ ნაკრებში რომ არა ტრავმები.ამის კარგი მაგალითი კლაუდიო მარკიზიოა, რომლისთვისაც კონტეს ნაკრების კარი მუდამ ღიაა, მსგავსი სიტუაციაა მწვანე მინდორზე ახლახან დაბრუნებულ სამი ხედირასთან, განელები კვადვო ასამოას უფრთხილდებიან, შვეიცარიელები კი მოუთმენლად ელიან შტეფან ლიხტშტაინერის გამოჯანმრთელებას.სელესაოს სიაში ველოდით ნეტუსაც, თუმცა დუნგამ მის გარეშე გადაწყვიტა ასპარეზობა, მანვე არ გამოიძახა არც ალექს სანდრო.