“იუვენტუსი” 3-1 “ბოლონია” ( ფეხბურთელების შეფასებები )

გთავაზობთ “ბოლონიასთან” შეხვედრაში მონაწილე ფეხბურთელების შეფასებებს.

ბუფონი 5,5 – გაშვებული გოლის ეპიზოდში მაინცდამაინც დამაჯერებელი არ იყო, ამ მომენტის შემდეგ კი უბრალოდ თვალყურს ადევნებდა მატჩს.

ბარძალი 6 – ასპარეზობს როგორც ცენტრალური მცველის, ისე მარჯვენა ტერცინოს პოზიციაზეც.სწავლა არასდროსაა გვიანი.

ბონუჩი 6 – გაანეიტრალა დესტრო, იტალიელ ფორვარდს მთელი შეხვედრის განმავლობაში ერთი მომენტიც არ ჰქონია.ლეომ ბოლონიელებთან შეხვედრაში თავი უფრო მეტად არბიტრთან საუბრით დაგვამახსოვრა.

კიელინი 6 – მუნიეს გოლი სწორედ მის სინდისზეა, მაგრამ სხვა ეპიზოდებში დამაჯერებელია.საუკეთესოა ბიანკონერებს შორის ჩაჭრების მხრივ, ჯორჯომ ცხრაჯერ შეაფერხა მეტოქის შეტევები.

კუადრადო 6,5 – ალეგრის არასტანდარტული იარაღი, სწრაფი, ტექნიკური ფლანგელი.სიზუსტის მხრივ აშკარად მოსამატებელი აქვს.

ხედირა 7 – გამოცდილი და მაღალი დონის რვიანი საიმედოდ და ჭკვიანურად მოქმედებს.

ასამოა – შეფასების გარეშე.

ერნანეში 6 – საყრდენად ბრაზილიელს ნამდვილად არაუშავს, გამთამაშებლის პოზიცია კი ვერაფრით აითვისა.

ლემინა 6 – გაფრთხილება და კიდევ ერთი ფოლი, გაძევებას გადაურჩა.მოედანზე მხოლოდ 26 წუთი გაატარა და აქტიურიც იყო, იბრძოლა, მაგრამ ხისტად თამაშობდა.

პოგბა 6 – დამაკმაყოფილებელი შეფასება მიიღო, თამაშობს ტექნიკურად, ელეგანტურად, მიჯრით სცდება რამდენიმე მეტოქეს.ფრანგისგან უფრო გუნდურ ასპარეზობას ველით.

ევრა 6 – თამაშობს ხან ვინგერის, ხანაც მარცხენა მცველის პოზიციაზე.გაშვებული გოლის მომენტში მეტად ყურადღებით უნდა ყოფილიყო, სხვა შემთხვევაში დამაჯერებელია.

დიბალა 6,5 – პოგბას მსგავსად ისიც ელეგანტური, ტექნიკური და მაღალი კლასის მოთამაშეა.შესანიშნავად შეეწყვილა როგორც მორატას, ისე კუადრადოს.იუვეში მას დიდი მომავალი ელის.

მორატა 7 – მატჩის საუკეთესო ფეხბურთელი რომ გახდა, ამას ზედმეტი საუბარი არ სჭირდება.მონაწილეობა მიიღო სამივე გოლში, 7,5 ან 8 დაიმსახურებდა, ორი უეჭველი მომენტი რომ გამოეყენებინა.თუმცა, საჭირო დროს ალვარომ მაინც გაისროლა.

ძაძა – შეფასების გარეშე.

ალეგრი 6,5 – ისევ 3-5-2 და 4-3-3 ტაქტიკების ნაზავით ასპარეზობს.აკონტროლებს მთლიან შეხვედრას, საჭირო დროს იყენებს ცვლილებებს.

წყარო : La Stampa