ალეგრი:”შეტევაში ისეთივე ცივსისხლიანები უნდა ვიყოთ, როგორც ბარძალი დაცვაში თამაშისას”

მილანურმა საღამომ სან სიროზე მშრალად ჩაიარა.. ვერც იუვემ და ვერც ინტერმა ვერ მოახერხეს გოლის გატანა, თუმცა მეტად ახლოს მიზნის მიღწევასთან იტალიის მოქმედი ჩემპიონები იყვნენ.. კუადრადომ და ხედირამ 100%-იანი მომენტები გაატანეს ქარს, რის გამოც ალეგრის გუნდი რვა მატჩში 9 ქულას და მე-14 ადგილს იკავებს..

“კარგი იქნება თუ მეტოქის კართან მეტად ცივ სისხლიანები ვიქნებით.. ისევე როგორც დაცვაში ბარძალი თამაშობდა. პარადოქსია, მაგრამ რამდენიმეჯერ გავედით იდეალურ პოზიციაზე და ვერაფრით შევძელით ბურთის ბადეში გახვევა.. სხვათაშორის ასეთი უიღბლობა მიმდინარე სეზონში არაერთხელ გადაგვხდენია. საკმაო სამუშაო გველის.

აღებულ ქულას დიდი ვერაფერი შედეგი მოაქვს, მაგრამ პლიუსად შეიძლება ჩაითვალოს ის ფაქტი, რომ კარი მშრალად შევინარჩუნეთ. მეტოქეს პრაქტიკულად არაფრის შანსი არ მივეცით. დაცვის ხაზზმა უნაკლოდ იასპარეზა და ეს პოზიტიური ნიშანია. საპირისპიროდ თავდასხმაში აშკარად მოსამატებელი გვაქვს, რადგან ჩემპიონობისთვის მაძიებელი გუნდი 8 მატჩში 9 ბურთს არ უნდა ჯერდებოდეს.

მორატას აქვს შესანიშნავი თვისება ტანდემში იასპარეზოს ნებისმიერ თავდასხმელთან.. საპირისპიროა დიბალა, რომელიც ფანტასტიური დიბლიორია და ეხლა აქტიურად მუშაობს საკუთარ თავზე, რადგან გახდეს ფორვარდი, რომელიც ფიზიკური კონდიციებითაც შეეძლება გუნდის დახმარება. მანჯუკიჩი ბრწყინვალედ ურთიერთქმედობს ფლანგებდან და ნაყოფიერია მეორე შემტევის პოზიციაზეც.. ძაძას გამოყენება კი კონტრიერიშების დროსაა ეფექტური.

დღევანდელი შეხვედრა ჩემპიონის ვინაობას რა თქმა უნდა ვერ გადაწყვეტს. მოხარული ვარ რომ ჯერჯერობით ისევ ჩემპიონობისთვის მაძიებელთა რიცხვში ვართ. ეტაპობრივად, მაგრამ აუცილებლად გავიფორმებთ დაბრუნებას – ეს კი ტიტულის მოპოვებაში გამოიხატება. საჭიროა სიმშვიდის შენარჩუნება, რის შემდეგაც ყველა რეალურ და მძლავრ იუვენტუსს იხილავს”.

კლაუდიო მარკიზიოს მოსაზრებით გუნდმა შედეგის კუთხით სტაბილურობა უნდა შეიძინოს:“მართალია ერთი ქულა მოვიპოვეთ, თუმცა სატურნირო ცხრილს რომ შევხედოთ ნათლად დავინახავთ იმ მცირე დროს, რომელიც გაგვაჩნია მეტოქის დასაწევად. რომასთან მატჩი რომ დავივიწყოთ, ფაქტია ცუდად არ გამოვიყურებით, მაგრამ სტაბილურობის მხრივ გვაქვს პრობლემა”..

“დღევანდელი მატჩი დაბრუნების კუთხით არ იყო იოლი. ფორმის პიკში გასასვლელად ჯერ კიდევ სათამაშო პრაქტიკის ნაკლებობას განვიცდი. თუმცა, ვაგრძელებ მუშაობას. კარგია, რომ სან სიროდან ერთი ქულა მაინც წამოვიღეთ. საგულისხმოა, რომ სეზონში პირველად ეს გაშვებული ბურთის გარეშე მოვახერხეთ. საუბედუროდ კი უამრავი ხელსაყრელი შანსი გავუშვით გოლის გასატანად”.

ინტერვიუს დასასრულს ნახევარმცველმა კიდევ ერთხელ გაუსვა ხაზი, რომ მიუხედავად 9 ქულიანი ჩამორჩენისა, ბოლომდე ბრძოლაა საჭირო:

“მოქმედი ჩემპიონები ვართ და შედეგად ყველა ღონე უნდა ვიხმაროთ ტიტულის დასაცავად. მორიგ ჩემპიონობაზე უარი ნამდვილად არ გვითქვამს”.

ტურინის “იუვენტუსის” კაპიტანმა, ჯანლუიჯი ბუფონმა შესაძლოა ჩემპიონთა ლიგაზე “გლადბახის” წინააღმდეგ მატჩი გამოტოვოს.ბიანკონერების პირველმა ნომერმა დაზიანება “ინტერთან” შეხვედრის პირველ ტაიმში მიიღო, თუმცა მოედნის დატოვება არ ისურვა და მთელი 65 წუთი ტრავმით იასპარეზა :

“რამდენიმე მნიშვნელოვანი ფეხბურთელი დაგვიბრუნდა და პროგრესიც სახეზეა, თუმცა სატურნირო მდგომარეობა ჯერ კიდევ გამოსასწორებელი გვაქვს.მწვრთნელი რამდენიმე სისტემაზე გვამუშავებს, მარტამდე დიდი დროა და ვიმედოვნებ, იმ პერიოდში უკვე ცხრილის სათავეში ვიქნებით.ჩემი ტრავმა ? – დიახ, 65 წუთის მანძილზე მუდამ მაწუხებდა ტკივილები მარჯვენა ფეხზე, მოხარული ვარ რომ შეხვედრის დასრულება მოვახერხე.ვნახოთ, ვიქნები თუ არა ოთხშაბათისთვის მზად, თუ არადა, ნეტო შესანიშნავი მეკარეა, მას მთელი გუნდი ენდობა.”

წყარო: Juventus.com