ალეგრის “უჩვეულო” წინასამატჩო პრესსკონფერენცია

40 მილიონი ევრო? დიახ, დიდი თანხაა გადახდილი მაგრამ ვინ თქვა რომ ეს ჩემი პრობლემაა? ამისთვის არის შესაბამისი დეპატამენტი, რომელიც მწვრთნელთან არ ათანახებს სატრანსფერო ღირებულებებს. თავკაცის საქმე მოედანზე განვითარებული მოვლენებია და იმის დანახვა თუ როგორ ვითარდება ესა თუ ის მოთამაშე. იუვე პალერმო არ არის და აქ გაცილებით სხვა მაშტაბის მიზნები და პასუხისმგებლობაა. ნამდვილად არ მინდა დიბალას ზედმეტი ტვირთი ჰქონდეს აღებული საკუთარ თავზე, რადგან ის ჯერ მხოლოდ 21 წლისაა და ეტაპობრივად უნდა განვითარდეს. თქვენ გგონიათ, რომ სწორს აკეთებთ ასეთი განცხადებებით? რეალობაში კი თავისუფლად შეგიძლიათ ფეხბურთელის უფსკრულისკენ მიყვანა.

ანიელის გამოთქმული კრიტიკა? ამაში ვინმემ რაიმე სიახლე დაინახა? ვფიქრობ, პრეზიდენტს მწვრთნელთან არ ჰქონია პრეტენზია, რადგან იგივე სიტყვები თავადაც ვთქვი ორი დღის უკან.. 14 ადგილზე ნამდვილად არ უნდა ვიმყოფებოდეთ.. საერთოდაც მიმაჩნია, რომ გაცილებით მეტი ქულა უნდა გვქონდეს მარაგში. ჩემპიონატი რამდენიმე ეტაპად იყოფა.. ახალ წლამდე ერთი ეტაპი დასრულდება.. შემდეგ დაიწყება მარტის პერიოდი და სწორედ იქ უნდა ვიყოთ პირველ პოზიცებზე და ვიბრძოდეთ სკუდეტოსთვის.

შემადგენლობა? კუადრადო შეხვედრას სათადარიგოთა სკამიდან დაიწყებს. დატვირთული გრაფიკიდან გამომდინარე საჭიროა პერიოდულად მოთამაშეების დასვენება. თუმცა, ეს არ ნიშნავს რომ ტაქტიკა შეიცვლება.. მის ნაცვლად პერეირას შეუძლია ასპარეზობა. მარჯვენა მცველის ადგილზე სტურაროს ან პადოინს ვიხილავთ. მანჯუკიჩთან დაკავშირებითაც მსურს კომენტარის გაკეთება.. ხორვატს მცირე დრო აქვს გატარებული მინდორზე შავ-თეთრი მაისურით.. ჯერ იყო და გოლი სუპერ თასსზე გაიტანა, ხოლო შემდეგ მანჩესტერში.. ორივე ეს ბურთი გადამწყვეტი და გამარჯვების მომტანი იყო. შედეგად მარგი ქმედების კოეფიციენტი და გატარებული დრო რომ გავითვალისწინოთ, ფაქტია მარიო სწორი ტრანსფერია. უბრალოდ შემდგომ ტრავმა მიიღო და ყველაფრის თავიდან დაწყება გახდა საჭირო. მერწმუნეთ ბომბარდირულ თვისებებს აუცილებლად გამოამჟღავნებს.

ნახევარდაცვა? პოგბას გადაღლაზე რომ მესმის გულიანაც ვიცინი.. გუნდში უამრავი ახალგაზრდა ძალღონით სავსე ახალგაზრდა მყავს და ეხლა საჭიროა მაქსიმალურად შეთამაშდეს შუახაზი. ნუ გავიწყდებათ, მთელი შემადგენლობით რამდენიმე დღეა რაც ვარჯიში დავიწყეთ, ხოლო სასტარტო შუახაზით პირველად მილანში გავედით მოედანზე.. ისინი ერთი კვირაა რაც ხეირიანად ვარჯიშობენ და თქვენი აზრით მაქსიმალური ეფექტისთვის დრო არ დასჭირდებათ?

რუგანი? თვლიან, რომ ბონუჩის და ბარძალის ნაცვლად მისი თამაშია საჭირო.. იცით.. დანიელე შესანიშნავ შთაბეჭდილებას ტოვებს წვრთნებზე და როდესაც საჭიროთ ჩავთვლი ეჭვიც არ შეგეპაროთ შესანიშნავ შედეგს გაჩვენებთ. სანაკრებო პაუზამდე ოთხი შეხვედრა გველის პროვინციალებთან და ტურინულ დერბი.. წინ დამღლელი და მძიმე მატჩებია, სადაც მაქსიმუმი უნდა გავიღოთ ხარისხიანი შედეგისთვის. პირველი ნაბიჯი კი შინ ზედიზედ მეორე გამარჯვების მოპოვება იქნება.