ალეგრი:”მარცხი ერთმა საჯარიმო დარტყმამ გამოიწვია”

SportMediaSet-ის ინფორმაციით, გუშინ მატჩის დასრულებისთანავე შედგა შეხვედრა იუვეს პირველ პირებსა და მასიმილიანო ალეგრის შორის. ბიანკონერიმ მორიგი მარცხი განიცადა, რომელიც 10 ტურში რიგით მეოთხე გამოდგა.. თან იმ ფონზე, როდესაც სატურნირო ცხრილში ზედა საფეხურზე მყოფებიდან უკლებლივ ყველამ იხეირა გარდა ლაციოსი.. საჭიროა დეტალური ანალიზის გაკეთება და ეფექტური ნაბიჯების გადადგმა სიტუაციის გამოსასწორებლად:

“სამწუხაროდ ნეგატიური პერიოდი გვიდგას.. კონკრეტულად სასუოლოსთან მატჩში კი ვერაფრით მოვახერხეთ იმ საფეხბურთო აგრესიის გამოვლინება, რომლის დახმარებითაც ბიანკონერი გასულ წლებში ტიტულს ტიტულზე იგებდა.. მიზეზი? მოედანზე საკმაო რაოდენობის ახალგაზრდა ფეხბურთელები იმყოფებოდნენ, რომლებიც პირველ ნახევარში ხშირად უხეშობდნენ. თუმცა, არ მსურს ამ ფაქტით თავის გამართლება. ის თუ როგორ ვმოქმედებდით პირველი 45 წუთის მანძილზე მხოლოდ გაბრაზებას იწვევს.

მარკიზიო? ახალგაზრდებით ასპარეზობა გამოცდილებას გართმევს, ეს კი შეცდომების დაშვების ტოლფასი ხდება. კლაუდიოს და სამის ზედმეტი წარდგენა არ ესაჭიროებათ, მაგრამ მათი არ ყოფნა გასასამართლებელი საბუთი არ არის. ლემინას მოედანზე ყოფნა დაცვის დახმარების თვალსაზრისით იყო ეფექტური და მითუმეტეს ასეთ მაღალ სათამაშო ტემპში.

კლაუდიო ზუსტად მატჩის დღეს “გაცივდა”, ხოლო სამის დასვენების საშუალება მივეცით. ასეთი სახის პირველი ტაიმი ბიჭებს განვითარებისთვის ესაჭიროებათ.. შეხვედრა ერთი კონკრეტული საჯარიმო დარტყმის გამო დავთმეთ. ხოლო საკუთარ ეპიზოდებში მეტი სიდინჯე და ცივი გონებით გვმართებდა მოქმედება.

საკამათო ეპიზოდები? არ მსურს ჯერვასონის გადაწყვეტილებებზე საუბარი.. თუმცა, არ დანიშნული პენალტი, დიბალაზე უხეშად თამაში აშკარად მეტ დაკვირვებას საჭიროებდა. მსგავს სიტუაციებში ღიმილი რთულია, რადგან სრულებით სხვა საღამოს ველოდით. ორი დღე გვაქვს რათა სათანადო დონეზე მოვემზადოთ ტურინული დერბისთვის”.

ძალზედ გაცხარებული ჩანდა სასუოლოსთან მარცხის შემდეგ ტურინელთა კაპიტანი ჯანლუიჯი ბუფონი – რომელსაც მსაჯის მოქმედებებზე მეტად თანაგუნდელების მოქმედებებმა გააღიზიანა:

“დაუშვებელია მსგავსი თამაში, როგორც ამას პირველ ნახევარში ვაკეთებდით.. მას შემდეგ რაც ტრავმირებული მოთამაშეები დაგვიბრუნდნენ და თითქოს სიტუაციაც უკეთესობისკენ მიდიოდა, ავიღეთ და ყველაფერი წყალში გადავყარეთ.. ასეთი მნიშვნელობის დაპირისპირებაში მსგავსი უუნარობა და გულგრილობა დაუშვებელია.. შესაძლოა რაიმე პროვინციული გუნდის წევრი, რომ ვყოფილიყავი კმაყოფილი ვიტყოდი თუ რაოდენ კარგია როდესაც 10 კაცით მეტოქეს მის კართან მიაჯაჭვებ.. მაგრამ ვიღაცისთვის საუბედუროდ საქმე იუვენტუსს ეხება”..

“მსაჯი? არანაირი პრეტენზია არ მაქვს და მატჩის დასრულების შემდეგ გაწეული სამსახურისთვის მადლობა გადავუხადე.. მეტად სასირცხვილო იმის ყურება იყო, როგორ აპროტესტებდნენ თითოეულ გადაწყვეტილებას იუვეს მაისურში გამოწყობილი მოთამაშეები იმის ნაცვლად, რომ ჯეროვნად მოეკიდათ საქმისთვის ხელი. გული მტკივა, როდესაც ასეთ დღეში მყოფს ვუყურებ თანაგუნდელებს, რომლებიც გულგრილად მოქმედებენ. იმედი მაქვს უმოკლეს პერიოდში გაათვითცნობიერებენ რას ნიშნავს იუვენტუსის მაისური, რა ძალა და პასუხისმგებლობა აკისრია მას. გუნდი შედეგზე უნდა იყოს ორიენტირებული და არა მსაჯთან უშედეგო კამათზე”..

წყარო: ტურინის “იუვენტუსის” ოფიციალური ვებ გვერდი