ალეგრი : “ბურთიც და მოედანიც ჩვენს ხელთაა”

ტურინის “იუვენტუსი” უმნიშვნელოვანესი მატჩისთვის ემზადება, ხვალ ბიანკონერები “იუვენტუს სტედიუმზე” “ტორინოს” უმასპინძლებენ.მასიმილიანო ალეგრის განცხადებით, დელა მოლეში ფავორიტი არ არსებობს და სამ ქულას განსაკუთრებული მნიშვნელობა ექნება : “დერბიში ფავორიტი არ არსებობს, ბოლო ორი მატჩი ძალიან რთული გამოდგა და ხვალაც იგივეს ველი.ჩვეულებრივ ტორინოს ველი, ვენტურას ძლიერი გუნდი ჰყავს და არა მგონია, გამარჯვებისთვის რამე დაიშურონ.ვფიქრობ, სატურნირო თვალსაზრისით ჩვენთვის სამი ქულის მოპოვება მეტად ღირებული იქნება, ვიდრე მათთვის, არაფრის გვეშინია, მაქსიმალურად უნდა გამოვავლინოთ საკუთარი შესაძლებლობები.ჩვენი მიზანი ? – მაქსიმალურად მაღლა უნდა ავიწიოთ, არ შეიძლება ყოველი კარგი თამაშის შემდეგ ვიძახოთ რომ დავბრუნდით, ჩემპიონთა ლიგაზეც სერიოზული დაპირისპირებები გველის, არ დაგვავიწყდეს არც კოპა იტალია.რაც შეეხება ტაქტიკურ მონახაზს, რამდენიმე დეტალი ჯერ კიდევ გადასაწყვეტი მაქვს, მარკიზიო თავს კარგად გრძნობს და იგი ითამაშებს, იგივე შემიძლია ვთქვა კასერესზეც, მარტინი დაბრუნდა.”

“გუნდში ის დროა, როცა გამოცდილმა მოთამაშეებმა საკუთარ თავზე მეტი პასუხისმგებლობა უნდა აიღონ, ეს უპირველეს ყოვლისა ბუფონს და ევრას ეხება, მათ უკვე გააკეთეს ისეთი განცხადებები, რომელიც პოზიტივისკენ მიმართავს გუნდურ ატმოსფეროს.სასოულოსთან დაცვაში ცუდად არ გვითამაშია, პირველ ტაიმში უსუსურები ვიყავით შეტევაში, მეორე ნახევარში ვუტევდით, მაგრამ დამაგვირგვინებელ ფაზაში კვლავაც პრობლემებია.რუგანი ? – მისი აგენტის სიტყვებს გავეცანი, ხაზგასმით ვიტყვი, რომ გუნდის მიზანი დამაკმაყოფილებელი შედეგის მიღწევაა, ახალწვეულები თამაშობენ და ნელ-ნელა მათი სათამაშო დრო მოიმატებს კიდეც, მანჯუკიჩმა ზედიზედ ორ თამაშში მიიღო მონაწილეობა, ხედირამ ხუთი შეხვედრა მიყოლებით ჩაატარა.ვფიქრობ, რამდენიმე ქულით მეტს ვიმსახურებდით, თუმცა რაც უკვე ფაქტია არ შეიცვლება, ხვალ ბურთიც და მოედანიც ჩვენს განკარგულებაში იქნება.კრიტიკა გამართლებულია, ჯერ მხოლოდ 12 ქულა გვაქვს, უნდა მოვუმატოთ.”

წყარო : ტურინის “იუვენტუსის” ოფიციალური ვებ-გვერდი