კუადრადო:”პირველი გოლი და საოცარი ემოცია”

ცხოვრება სავსეა უცნაური ეპიზოდებით.. მაგალითად, ტურინში მომხდარზე რომ ვისაუბროთ.. მატჩის პირველივე წუთებზე ტრავმას სამი ხედირა იღებს, რაც იუვესთვის დიდი დანაკლისია.. მოედანზე ხუან კუადრადო გამოდის, რომლის მაღალ საშემსრულებლო ოსტატობაში ეჭვი არავის შეაქვს, მაგრამ გერმანელის ტრავმა დაღს ასვამს გუნდის მარგი ქმედების კოეფიციენტს.. მითუმეტეს იუვეს დღევანდელი მდგომარეობიდან გამომდინარე ყველას კარგად ესმოდა, რამდენს ნიშნავდა მოქმედი ჩემპიონებისთვის დღევანდელი შეხვედრა.. საბედნიეროდ, “უცნაურმა” ბედისწერამ სწორედ კუადრადოს არგუნა უმნიშვნელოვანესი გოლის გატანა:

“ეს იყო პირველი ბურთი შავ-თეთრი მაისურით, რამაც უდიდესი სიამოვნება მომანიჭა. ვთამაშობდით როგორც ერთიანი მექანიზმი და ვფიქრობ დავიმსახურეთ გამარჯვება. თითოეული ჩვენთაგანი სწორედ ამ დაუოკებელი წყურვილით ეკვეთა მეტოქეს და მიიჩქაროდა მათი კარისკენ.. იყო ეპიზოდები, როდესაც ტორინოს დაცვის ზღუდეებს ვერაფერს ვუხერხებდით..

ასევე მსურს გამოვყო ბუფონი.. ადამიანი რომლის იმედი მუდამ უნდა გქონდეს.. ის ჩვენი კედელია და დღეს მან მორიგი ფენომენალური შეხვედრა ჩაატარა. დღევანდელი წარმატება ფსიქოლოგიური კუთხით ფასდაუდებელია და ამასთანავე ჩვენ ისევ დავბრუნდით ბრძოლაში. ეხლა უკვე თითოეულ მატჩი ისე უნდა გავმართოთ თითქოს უკანასკნელია და ასეთ შემთხვევაში მერწმუნეთ შედეგი არ დაახანებს. ბრწყინვალე გუნდი გვყავს და ამას მალევე დაგიმტკიცებთ”.

მანამ ფეხბურთელებში გასახდელში ხარობდნენ ბოლო წამებზე მიღწეული გამარჯვებით მათი თავკაცი ჟურნალისტებს ხვდებოდა.. მასიმილიანო ალეგრი კმაყოფილია სამი ქულით, თუმცა აღნიშნავს რომ ფეხბურთელებს ბევრ ასპექტში აქვთ მოსამატებელი:

“ეს იყო საღამო, როდესაც ჩემს შეგირდებს გამარჯვების დაუოკებელი წყურვილი გააჩნდათ.. უკანასკნელი 10 წუთის მანძილზე ცდა არ დაუკლიათ და ჯიუტად ეძებდნენ მეტოქის კარის გასაღებს. ტორომ ნამდვილად კარგი მატჩი გამართა, თუმცა ვფიქრობ გამარჯვება დავიმსახურეთ.

ხასიათის მხრივ ნამდვილად საუცხოო შეხვედრა გავმართეთ, მაგრამ მჭიდრო გრაფიკიდან გამომდინარე წვრთნებზე მეტი ოფლისღვრაა საჭირო. მანამ სანამ ლიგის პირველ ეტაპს არ დავასრულებთ, მდევრის როლში მოგვიწევს ყოფნა. თუმცა, მსგავსი გამარჯვების წყურვილით დიდ წარმატებას მივაღწევთ.

ალექს სანდრო? ტორო თავს კარგად იცავდა და შესაბამისად საჭიროდ ჩავთვალე სიჩქარის მომატება.. გამიმართლა, რომ საგოლე გადაცემა სწორედ სანდროს ანგარიშზეა, მაგრამ ასევე არ უნდა დავუკარგოთ გარჯვა მანჯუკიჩს, რომელმაც ახლო ძელზე პრესინგი განახორციელა.

ჰერნანეში? ტრეკუარტისტაზე ასპარეზობა მარტივი არ არის.. ხოლო დაცვით ფუნქციებში ბრაზილიელს აშკარად მომატებული აქვს და მისასალმებელი ფაქტია. ვფიქრობ, მას რეჯისტაზე გაცილებით დიდი შესაძლებლობები აქვს.

მესმის, რომ ფორვარდებისგან გოლებს ელიან.. დღეს მართალია მორატამ და დიბალამ მინდორი გოლების გარეშე დატოვეს, თუმცა გადამწყვეტი ეს ფაქტი ნამდვილად არ არის. მთავარია მსგავს ენერგიულ სტილში გავმართოთ შეხვედრები.

დერბი ისედაც მნიშვნელოვანი მოვლენაა ქალაქისთვის, თუმცა პირადად ჩვენთვის შექმნილი ვითარებიდან გამომდინარე დღევანდელ გამარჯვებას ოქროს ფასი აქვს. გამარჯვების სურვილს არ უნდა ვივიწყდებდეთ, მაგრამ მოსამატებელი გვაქვს.

მერწმუნეთ.. სერიოზული კოლექტივი გვყავს, რომელსაც დრო სჭირდება და მცირეოდენი იღბალი.. წარმოგიდგენიათ.. უმეტესობა გოლები მხოლოდ ერთი დარტყმისგან გვაქვს გაშვებული. საბედნიეროდ ბედისწერა დღეს ჩვენს მხარეს იყოს.. გუნდისკენ, რომელსაც გამარჯვება მეტად სურდა.

სკუდეტოზე არ ვართ კონცენტრირებულნი. მთავარია ქულები დავაგროვოთ. ტორინოსთან გამარჯვება ჩემპიონთა ლიგის წინ მორალურად გაგვაძლიერებს, სადაც დადებით შედეგს აუცილებლად უნდა მივაღწიოთ”.

წყარო: Tuttosport