კიელინი: “უკეთესად შეგვეძლო თამაში”
“იუვენტუსის” მცველმა ჯორჯო კიელინიმ ეროვნული ნაკრების შედეგების შესახებ ისაუბრა. შეგახსენებთ, რომ იტალიის ნაკრებმა ამხანაგური თამაშები ჩაატარა ბელგიასა და რუმინეთთან, რომელთაგან პირველი წააგო, ხოლო მეორე ფრედ 2:2 დაამთავრა. “ყველაზე მთავარი გამარჯვებაა. ევრო 2016 გვიახლოვდება და იმედი გვქონდა, უკეთესად გამოვავლენდით თავს ამ ორ ამხანაგურ შეხვედრაში, ეს უფრო გარკვეულ დეტალებს ეხება. ჩვენ ვსაუბრობთ კარგ თამაშზე, მაგრამ ამ შედეგების ფონზე ყველაფერი შედარებითი ხდება. აუცილებლად უნდა აღმოვფხვრათ გარკვეული შეცდომები. ჩემპიონატამდე დიდი პაუზაა და ალბათ აქტივობების განრიგი უკეთესად უნდა შემუშავდეს, რადგან ტურნირამდე მხოლოდ ორი თვით ადრე ვიკრიბებით ერთად. გარკვეული თამაშები გადადებულა სიფრთხილის ზომების გამო, ცუდია, რადგან ჩვენ ყველას ფეხბურთის თამაში გვინდა. იმედია, ამ რამდენიმე თვეში უფლებამოსილი პირები იმუშავებენ იმაზე, რომ ტურნირი რაც შეიძლება უსაფრთხო პირობებში ჩატარდეს.”
წყარო: Football Italia
ედერი მოაცილონ ნაკრებიდან, კიელინი კიდე დარჩეს მარცხნივ დე შილიოს კი ჯობია