ძაძა:”იანვარში პირველ სამეულში გვიხილავთ”

სიმონე ძაძას განცხადებით მისი კლუბის ამჟამინდელი მიზანი არის, იანვარში მინიმუმ მესამე პოზიციაზე ყოფნა. ტურინელები განაგრძობენ წარმატებულ სვლას ჩემპიონატში.. მას შემდეგ რაც სიცილიაში, ალეგრის შეგირდებმა, ქვა ქვაზე არ დატოვეს პალერმოსგან, ტურინელებმა დამსახურებულად დაიკავეს მეხუთე ადგილი:

“შექმნილი სიტუაციიდან გამომდინარე ჩვენი ამოცანა ნათელია. თითოეული მატჩი უნდა გახდეს ჩვენი დაბრუნების დასაწყისი. რაც შეიძლება მოკლე დროში უნდა მივაღწიოთ სატურნირო ცხრილის მოწინავე პოზიციას. დღეისათვის ნამდვილად გვაქვს კონკრეტული მიზანი.. იანვარში იუვენტუსი მინიმუმ მესამე პოზიციაზე უნდა იმყოფებოდეს. თითოეული ჩვენთაგანის სურვილია გავაგრძელოთ გამარჯვებების მოპოვება.

ბუნებრივია მოედანზე მეტი დროის გატარება მსურს, ისევე როგორც გოლების გატანა. თუმცა, არც აქამდე და არც ეხლა ამაზე წუწუნს არ ვაპირებ. უბრალოდ ვტკბები მომენტით და ველოდები შემდეგ დაპირისპირებას. მძიმე პერიოდში ვეტერანებმა გვაიძულეს მათთვის მოგვესმინა. ჩვენ, ახალგაზრდებმა ყური დავუგდეთ და ყველაფერს ისე ვაკეთებთ, როგორც გვასწავლეს.. შედეგს თავადაც ხედავთ”.

პალერმოს დამარცხებით გახარებულმა ბიანკონერის თავკაცმა, მატჩისშემდგომ კომენტარში შეაქო შეგირდების გარჯა:“მშვენიერი თამაში იყო.. დიდი ენერგია წაიღო, თუმცა ჩემმა ფეხბურთელებმა დაკისრებულ მოვალეობას თავი კარგად გაართვეს. გამარჯვების დაუოკებელმა წყურვილმა კი შედეგს მიგვაღწევინა.. ჯერ მანჯუკიჩმა და შემდეგ დანარჩენებმა მორიგი ლამაზი გამარჯვება ეფექტური გოლებით მოგვაპოვებინეს. საერთოდაც ნოემბერმა კარგად ჩაიარა.. ბიჭების თამაშით და საქმისადმი მიდგომით კმაყოფილი ვარ. კონკურენტები სხვადასხვა ფორმაში იმყოფებიან, თუმცა მთავარია ჩვენი შედეგი.. გამარჯვებებს რწმენა და თამაშის ხარისხის კიდევ უფრო გაუმჯობესება მოაქვს. ბურთთან გაცილებით უკეთ ვატარებთ დროს და რაც მთავარია მინდორზე კომპაქტურობას ვქმნით”..

“მორატა? ერთი და იგივე კითხვები.. 23 წლის ფეხბურთელია, რომელმაც უნდა მოუმატოს და მოუმატოს. ის ისევე როგორც სხვა, ძირითადის მოთამაშეა და სიმშვიდე უნდა შეინარჩუნოს. არის ეპიზოდები, როდესაც ცდება, თუმცა ძაძაზე გაკეთებული საგოლე გადაცემა მის რეალურ სახეს ასახავს. დარწმუნებული ვარ იუვესთვის მეტად მნიშვნელოვანი ფიგურა გახდება.

რას ველი ნაპოლი-ინტერის მატჩისგან? არაფერს უბრალოდ იუვენტუსი ორივე მათგანს დაეწევა. ჯერჯერობით პირველ პოზიციას საკმაოდ ჩამოვრჩებით, რადგან ფეხბურთი შეცდომებს არავის პატიობს. საჭიროა ჩამორჩენის აღმოფხვრა, თამაშის სრულყოფილება და ტექნიკური მახასიათებლების გაუმჯობესება. მატჩებს იგებენ გუნდები, რომლებიც ტემპს არ აგდებენ მთელი 90 წუთის მანძილზე.

პალერმოსთან შეხვედრისთვის პარასკევს დავიწყეთ მომზადება და რაც ყველაზე მომეწონა, არის ის ფაქტი, რომ ფეხბურთელები მალე ითვისებენ ჩემს მითითებებს. მსურს მომავალში, როდესაც მეტოქის საჯარიმოს სიახლოვეს ვიქნებით, შეტევაში მეტი ფეხბურთელით ვერთვებოდეთ.. ამაზე მუშაობა მოგვიწევს.

ფლანგები? კუადრადო რიგ მომენტებში ფლანგიდან ცენტრში ინაცვლებდა, რაც ტაქტიკური კუთხით არ არის მიზანშეწონილი. დაუშვებელია თავისუფალი ზონის დატოვება, მითუმეტეს როდესაც მეტოქეს სწრაფი მოთამაშეები ჰყავს. საერთოდაც პალერმოელთა წინააღმდეგ ხშირად ვიცვლიდით ტაქტიკას. სტურარო ძალზედ კარგი იყო და ვფიქრობ, ბოლო პერიოდში სტეფანოს მნიშვნელოვნად აქვს მომატებული”.

პოგბა? სამწუხაროა მისი დანაკლისი ლაციალესთან.. ვნახოთ, თუ ხედირამ ვერ მოასწრო გამოჯანმრთელება მას სხვა მოთამაშით ჩავანაცვლებთ”.

წყარო: Football-Italia