Forza ნანდო! ჩვენ შენ არასოდეს დაგივიწყებთ!

ფერნანდო ლორენტე.. ესპანელი ფორვარდი, რომელიც წლების განმავლობაში იცავდა ბილბაოს ატლეტიკის ღირსებას.. იცავდა, ალბათ რბილად ნათქვამია, რადგან “მეფე ლომი” საკუთარი გუნდის უდაო ლიდერი და მთავარი გოლეადორი იყო.. თუმცა, აშკარად ჩანდა ატლეტიკი მის შესაძლებლობებს ვეღარ აკმაყოფილებდა და ტანმაღალ ფორვარდს სხვა, ძლიერ გუნდში მოუნდა ძალების მოსინჯვა.. არჩევანი როგორც თავად აღნიშნა გულით მიიღო.. ეს არჩევანი ტურინს უკავშირდებოდა.. სამწუხაროდ მის გადაწყვეტილებას მშობლიურ მხარეში ნეგატიურად შეხვდნენ.. მთელი ნახევარი სეზონი ლორენტე სათადარიგოთა სკამიდან ადევნებდა თვალყურს თანაგუნდელების თამაშს, მხოლოდ იმიტომ რომ გადაწყვეტილება იუვეს სასარგებლოდ მიიღო..

კოშმარი დასრულდა და ახალი თავგადასავალიც დაიწყო.. კონტეს ეპოქაში მას მნიშვნელოვანი როლი ელოდა.. კარლიტოსის ტევესსთან ერთად მრისხანე დუეტის შექმნა.. თავდაპირველად ესპანელი იშვიათად ჩნდებოდა მინდორზე, რადგან ადაპტაციის პერიოდს გადიოდა, თუმცა შემდეგ მოუმატა და ძირითადის უცვლელი წევრი გახდა.

გარდა იმისა, რომ ჩვენს გუნდში მართლაც დიდი პროფესიონალი ასპარეზობდა, რომელიც გუნდის ინტერესებს ყოველთვის პირველ ადგილზე აყენებდა და მწვრთნელის მითითებებს ზედმიწევნით კარგად ასრულებდა, ნანდო სხვა მხრივაც გამორჩეული იყო.. სწორედ მისი დამსახურებაა, რომ მორატამ ადაპტაცია მალე გაიარა.. გასახდელშიც მას თანაკლუბელები დადებითად ახასიათებდნენ.. განსაკუთრებით მეგობრობდა იტალიელებთან.. მარკიზიო, ბონუჩი, კიელინი, ბარძალი, ბუფონი..

წასვლის შემდეგაც კი მას არ დავიწყებია ის თუ სად თამაშობდა, როგორ სიყვარულს ეზიარა და რა ოჯახის ნაწილი იყო.. ამის გამო ტურინელ ტიფოზერიას იგი მუდამ, განსაკუთრებულად ეყვარება.. მის მიმართ პატივისცემა არავის დავიწყებია.. ეს არის ფეხბურთელი და პიროვნება, რომელიც ნებისმიერისთვის მისაბაძია. Forza Nando!!! ჩვენ არასოდეს დაგივიწყებთ! დიდი მადლობა ყველაფრისთვის!