იუვე და დიბალა..

მიუხედავად ცუდი სტარტისა, ტურინელებმა ჩემპიონატის ზამთრის ეტაპი მაინც პოზიტიურ ნოტაზე დაასრულეს.. სხვა რა უნდა ვუწოდოთ იმ ფაქტს, რომ გუნდმა უკანასკნელ შვიდ შეხვედრაში 100%-იანი მაჩვენებელი მოიპოვა.. მე-14 ადგილიდან დაწყებული ალეგრის გუნდმა არნახული პროგრესი განიცადა. ამის მიზეზი რამდენიმე ფაქტორი იყო და ერთ-ერთი ბუნებრივია მოთმინება და ალეგრის სწორი გადაწყვეტილებები..

მაშინ როდესაც ბუფონმა კიდევ ერთხელ გაუსვა ხაზი საკუთარ სტატუს, ალექს სანდროს და ხუან კუადრადოს ტრანსფერებია აღსანიშნავი. მათ ნაყოფიერად წარმოაჩინეს თავი და დიდი წვლილი შეიტანეს გუნდის საერთო შედეგის გაუმჯობესებაში. პირლოს წასვლის შემდეგ კი მისი ფუნქციების საკუთარ თავზე აღება მარკიზიოს დაეკისრა.. ბუნებრივია მაესტროს ოსტატობა იშვიათად თუ ვინმეს ექნება მომავალში, მაგრამ მარკიზიომ საკუთარი დაუაღალავი შრომისმოყვარულობით მეტ-ნაკლებად შეავსო დანაკლისი.. მისი მთავარი პლიუსი ზონების დროული ჩაკეტვა და დაუღალავი გადაადგილებაა.. თუმცა, აგერ უკვე კარპისთან შეხვედრაში პირლოს სტილში 40 მეტრიანი დიაგონალიც “გაჭიმა”..

სხვათაშორის იმავე კარპისთან მანჯუკიჩიც გამოსარჩევია.. ნუ არა მარტო კარპისთან, საერთოდაც ხორვატი უკანასკნელ ხანებში შესაშურ ფორმაში შევიდა და უკანასკნელ ტურშიც განაგრძო გოლების გატანა.. დიახ, ზუსტად რომ გოლები, რადგან მარიომ დუბლი შეასრულა. ზუსტად ისე როგორც ცენტრ ფორვარდს ეკადრება. სხვათაშორის მანჯუს პროდუქტიულობის ერთ-ერთი მიზეზი ნიჭიერი პარტნიორია..

10 გატანილი გოლი და სამი საგოლე გადაცემა.. ჩვენი 21-ის ფენომენალური თამაში პრაქტიკულად შეუცვლელს ხდის პაულო დიბალას. ფეხბურთელი, რომელიც პალერმოდან დიდი თანხის სანაცვლოდ გამობარგდა ტურინში თავდაპირველად სათადარიგოთა სკამზე ატარებდა უმეტეს დროს.. თუმცა, ბოძებულ წუთებს ყოველთვის მაქსიმალურად იყენებდა. რამდენიმე გავლენიანი სტატისტიკური გვერდის მონაცემებით, სამხრეთ ამერიკელმა შემტევმა მიმდინარე სეზონში 34 საგოლე იერიშს დაუდო სათავე.

აქვე გაითვალისწინეთ მნიშვნელოვანი ფაქტი.. იუვეში მოსვლისას ფეხბურთელმა ახალ პოზიციასთან დაიწყო მორგება.. ალეგრი მას როგორც მეორე ფორვარდს ისე უყურებს და ამიტომაც დიბალას ადაპტაციის გარკვეული დრო დასჭირდა. საბედნიეროდ, ადაპტაცია და შედეგი ერთდროულად ხორციელდებოდა, რაც ბუნებრივია ყველა მხარისთვის პოზიტიური აღმოჩნდა:

“სიცილიაზე ჩემში ცენტრალურ თავდამსხმელს ხედავდნენ, მაშინ როდესაც ტურინში პოზიციის შეცვლა მომიწია. ალეგრიმ მთხოვა სიღრმიდან მეასპარეზა და ბურთთან გაცილებით დიდხანს ვყოფილიყავი”.

განსაკუთრებულად მნიშვნელოვანია ლაციოსთან შეხვედრა.. პრაქტიკულად ეს იყო დიბალას პერსონალური შედეგი, რადგან ბილიას საკუთარ კარში გატანილი გოლი დიდწილად არგენტინელის დამსახურებაა, რომლის აქტიურობასაც მოჰყვა მცველის მხრიდან უხეში შეცდომა. მეორე ბურთი კი ალბათ დიდხანს დარჩება გულშემატკივრის მეხსიერებაში, რადგან ესთეტიური კუთხით ნამდვილად უნაკლოდ შესრულდა.

მისი ასეთი ფეერიულ ასპარეზობას წარსულში არგენტინის ნაკრების წევრი ხუან სებასტიან ვერონიც გამოეხმაურა:

“ტევესთან შედარებით მას მეტად უკეთესი ტექსნიკური მონაცემები აქვს. მას უბრალოდ განვითარებისთვის მცირე დრო უნდა მივცეთ.. არანაირი ხმაური, ქაოსი და წნეხი.. მშვიდი გარემო, რათა პროგრესი განაგრძოს”..

მასიმილიანო ალეგრის მოსაზრებით კი პაულოს გაცილებით მეტი შეუძლია:“იცით ამას რატომ ვამტკიცებ მუდმივად? ყოველდღიურად ვხედავ მის ვარჯიშს.. ვხედავ თუ რას აკეთებს.. სწორედ ამიტომ ვარ დარწმუნებული საკუთარ შეფასებაში. ფანტასტიკური მახასიათებლები და ხასიათი აქვს, რის დემონსტრირებასაც მოედანზე ახდენს”.

შედეგად, ასეთი მონაცემები, ციფრები და სტატისტიკა უდაოდ შემაშფოთებელია კონკურენტებისთვის, რადგან დიბალა უკვე დღეს არის შეუცვლელი ფიგურა მოქმედი ჩემპიონებისთვის..

წყარო: Bleacherreport