ლუკა მარკეტი:”იუვე აქტიურად მუშაობს გუნდოგანის ტრანსფერზე”

Sky Sport 24-ის პოპულარული ჟურნალისტის ლუკა მარკეტის განცხადებით, ტურინელები მაქსიმალურად ცდილობენ გუნდოგანის გაფორმებას, თუმცა დორტმუნდელთა სახით გადაულახავ ბარიერს აწყდებიან. პარალელურად მასმედიის წარმომადგენელმა რამდენიმე სხვა გარიგებაზეც ისაუბრა:

“მანდრაგორას საკითხზე ჯერჯერობით, მხოლოდ პირადი კონტრაქტია შეთანხმებული, თუმცა მაროტა აღარ აპირებს ძველი შეცდომის განმეორებას.. დიახ, რა თქმა უნდა საუბარი ეხება მარკო ვერატის საგას. ამჯერად მოქმედი ჩემპიონები ახალგაზრდა ფეხბურთელში შედარებით დიდი ინვესტიციის ჩადებას გეგმავენ. ჩემს ხელთ არსებული ინფორმაციის თანახმად მაროტა 5 მილიონს და დამატებით ბონუსებს გაიღებს ნახევარმცველისთვის. როლანდო სეზონს ამჟამინდელ კლუბში დაასრულებს, ხოლო შემდგომ გუნდები მიიღებენ გადაწყვეტილებას. ეს გარიგება რაღაცით სტურაროს ისტორიას წააგავს.. ჯენოას და იუვეს ხელმძღვანელებს შორის არსებული ჯანსაღი ურთიერთობა ხელს უწყობს ამ გარიგებას.

ძაძასთან დაკავშირებით პრინციპში ყველაფერი გარკვეულია. იუვემ 30 მილიონიანი წინადადებაც, რომ მიიღოს მას მაინც უარით გაისტუმრებს.. აქვე უნდა აღინიშნოს, რომ მცირედით ნაკლები შემოთავაზება მაროტამ ცოტახნის წინ უკვე უარყო. სამწვრთნელო შტაბი და ხელმძღვანელობა, სიმონეს ძალზედ აფასებს და არავინ უკარგავს იმ მოტივაციას, რაც თავდამსხმელს გააჩნია. ამ ეტაპზე გუნდში მყოფი ფორვარდებიდან ძაძას ყველაზე მცირედი აქვს მინდორზე გატარებული, მაგრამ მიუხედავად ამისა 5 ბურთის გატანა მაინც მოახერხა. სტატისტიკური მონაცემების თანახმად ფორვარდი ყოველ 73 წუთში ერთხელ იჩენს თავს. ამ ყოველივეს გათვალისწინებით და ერთიანი ძალებით, კლუბმა დაიყოლია ძაძა კლუბში დარჩენაზე”.

წყარო: tuttojuve