გიორგი ქასრაშვილის ყოველკვირეული მიმოხილვა (08/01/16)

მოგესალმებით იუვენტინოებო, მოგილოცავთ ყველას შობა ახალ წელს. წარმატებული წელი ყოფილიყოს როგორც პირად, ასევე ტურინულ ცხოვრებაში…
განახლდა იტალიის ჩემპიონატი და ვაგრძელებ ჩვეულ მიმოხილვებს..

იტალიის ჩემპიონატის მე-18 ტურში იუვენტუსი შინ დაუხვდა აუტსაიდერ ვერონას და ადვილი გამარჯვება იზეიმა 3-0.
აღსანიშნავია მორიგი საჯარიმო დარტყმით გატანილი გოლი, რომელიც პაოლო დიბალას ანგარიშზეა. ასევე ძაძას გოლი მცირე სათამაშო დროში და ბონუჩის კომპენსაცია კარპისთან გატანილი ავტოგოლის შემდეგ.

რაც შეეხება თავად მატჩსა და ტაქტიკას. ალეგრიმ ჩვეულ 3-5-2ს მიმართა. ბარძალისა და მანჯუკიჩის არ ყოფნაში ძირითადში გამოჩნდნენ მორატა და კასერესი.. დანარჩენი 9 ფეხბურთელი უცვლელი იყო, როგორც ამას ბოლო თამაშებიდან მივეჩვიეთ.

მატჩის მიმდინარეობიდან გამომდინარე რთულია გადმოცე თუ რა ხდებოდა მთელი 90 წუთის განმავლობაში.. იყო შექმნილი საგოლე მომენტები მასპინძლების მხრიდან, რომელი მომენტებიდან 3 იქნა რეალიზებული.. რაც შეეხება სტუმართა გუნდს, მათ ერთი-ორჯერ შეასრულეს სტანდარტული მდგომარეობა და პაცინისგან ვიხილეთ იუვეს კარის მიმართულებით დარტყმა, ეს იყო და ეს.

ეხლა კი მინდა ჩემი გულისწყვეტა და კრიტიკა გამოვთქვა..

რატომ კასერესი და არა რუგანი?
შეიძლება მიპასუხოთ, რომ კასერესს ყიდიან და მაგიტომ ათამაშებენო, მაგრამ რას ნიშნავს ეს? კასერესი 1-2 მატჩს ისე მაგრად ჩაატარებს რომ მსურველები გამოუჩნდება? აბსურდია.. რუგანი კიდევ იჩაგრება, ის იუვეს მომავალი, ჯერ ბარძალი, შემდეგ კიდევ კიელინის შემცვლელი. ასე, რომ მაქსიმალურად უნდა დაეთმოს დრო და არა ფეხბურთელს, რომელიც უკვე წასასვლელადაა გამზადებული.

რატომ ხედირა და არა სტურარო?

გუნდში თამაშობს 3 ნახევარმცველი სადაც პოგბა და მარკიზიო ერთდროულად უტევს და ასევე შლის მეტოქის შეტევებს, ხედირა კი რას აკეთებს? ნელი მოძრაობებით გადაადგილდება და ისეთი შტაბეჭდილება მრჩება, რომ ერიდება ბურთზე ბრძოლას და თუ შედის კონტაქტში 2-3 წუთი ,,წამოწოლილია მინდორზე”.. არ ვიცი სახელი აქვს და მაგიტომ აყენებენ ძირითადში? ხელფასს უხდიან დიდს და სკამზე ვერ სვამენ? ამ დროს კი რა ხდება? სტურარო ეწირება მას. ხედირას ათამაშებს, რომ ფორმაში შევიდესო, კი მაგრამ 2 თვე უნდა ფორმაში შესვლას?!

რატომ მორატა და არა ძაძა?

იგივე შეიძლება ითქვას ამ შემთხვევაშიც. მორატა ლიგის კაცია, მორატამ შარშან ბევრი გაუკეთა იუვეს და ასე შემდეგ. გავიგე!!! მაგრამ რა ხდება წელს??? რით იმსახურებს ძაძაზე მეტ სათამაშო დროს??? არ შეიძლება ერთი ფეხბურთელის ფომაში შეყვანის გამო მეორე იჩაგრებოდეს. ძაძამ მიმდინარე სეზონში ყველაზე ნაკლებ სათამაშო დროში 6 გოლი გაიტანა 3-ვე ტურნირზე და არცერთი გოლი არ გაუტანია ცარიელ კარში ან ადვილი პოზიციიდან! ძაძა და მისი ცაცია ფორმაშია!

მოკლედ იუვენტინოებო, არვიცი ვინ როგორ დამეთანხმება თუ შემედავება, მაგრამ ფაქტი ერთია ძაძა-სტურარო-რუგანი მეტია ამ დროს ვიდრე მორატა-ხედირა-კასერესი. რატომ ღებულობს ალეგრი ასეთ გადაწყვეტილებებს არ ვიცი, შეგიძლიათ გამოთქვათ თქვენი აზრი..

ეხლა კი გთავაზობთ ფეხბურთელების შეფასებებს, რომელიც პირადი მოსაზრებით შევადგინე:

ბუფონი – 6 (არც ჰქონია ბევრი საქმე)
კასერესი – 6 (სტაბილურად უმკლავდება მეტოქის იშვიათ შეტევებს)
ბონუჩი – 6.5 (გოლი)
კიელინი – 6.5 (იბრძვის ყველა ბურთს, ჩვეული თავგანწირვა მისი მხრიდან)
ლიხშტაინერი – 6 (აქტიურია პირველ ნახევარში, ჰქონდა გოლის გატანის შანსი, როდესაც ყველასათვის მოულოდნელად აღმოჩნდა მარცხენა ფლანგზე მეტოქის საჯარიმოში)
ალექს სანდრო – 6,5 (მისი ფლანგის ბატონ-პატრონია, აქტიურია ბრაზილიელი მე-12 ნომერი. აპლოდისმენებს იმსახურებს)
მარკიზიო – 6.5 (პრინციპინო როგორც ყოველთვის მოწოდების სიმაღლეზეა, რაც ყველა იუვენტუსის გულშემატკივრისათვის სასიხარულოა)
პოგბა – 6,5 (შესამჩნევია მასში საკუთარი თავის რწმენა, დაფასება ატარებდე იუვენტუსის 10-ნომრიან მაისურს, მონდომებულია, ახდენს ტექნიკის დემონსტრირებას და საგოლე პასს ძაძაზე)
ხედირა – 6 (თანაგუნდელების სახრჯზე გადის ფონს, ზარ-ზეიმით მოყვანილი ხედირას ნახევარია)
დიბალა – 7 (გოლი, საგოლე გადაცემა და უამრავი აქტიურობაა მისი მხრიდან, ბრავო პაოლო, ყოველთამაშში ამართლებს მასზე გაცემულ ავანსებსა და მასში გადახდილ სატრანსფერო თანხას)
მორატა – 5 (უკომენტაროდ)
რუგანი – (შეფასების გარეშე მცირე სათამაშო დროის გამო)
სტურარო – 6 (სტაბილურად აქტიურობა და ბრძოლა მისი მხრიდან)
ძაძა – 6,5 (შემოვიდა, გაიხსნა პასზე, გაიტანა, ბრავო სიმონე!)

,,ბ რ ა ვ ი ს ი მ ო”
ალეგრი – 6,5 (აპლოდისმენტები ალეგრის, რომელმაც ასე კარგად შექმნა ერთიანი მექანიზმი, რომელიც 8 ტურია უმაღლეს დონეზე მუშაობს. ერთი წუნი ჩემი მხრიდან ძაძა-სტურარო-რუგანის ფაქტორიდან გამომდინარე, სხვა დანარჩენი 5+)

დიდი მადლობა ყველას, ვინც ინტერესით კითხულობთ ჩემს ყოველკვირეულ მიმოხილვას… თქვენი ერთგული იუვენტინო ,,QASRA“