ჯიოვინკო : “იუვეში სიამოვნებით დავბრუნდებოდი”

ტურინის “იუვენტუსის” ექს-შემტევმა, სებასტიან ჯიოვინკომ ამერიკის ლიგაში “ტორონტოს” მაისურით საუცხოო სეზონი ჩაატარა, ახლა კი არდადეგებზე ისვენებს.ტურინული აკადემიის აღზრდილმა 34 შეხვედრაში 22 გოლის გატანა და 13 ასისტის გაკეთება შეძლო, რაც მართლაც შესანიშნავი შედეგია.სპორტიტალია ატომურ ჭიანჭველას დაუკავშირდა და საკმაოდ საინტერესო ინტერვიუ ჩამოართვა : “ამერიკის ლიგაში ახლა შესვენებაა, მოედანზე დაბრუნებას მოუთმენლად ველი.ტორონტოში ბედნიერი ვარ, ვგრძნობ, რომ სწორი არჩევანი გავაკეთე.იუვენტუსი ? – ამ გუნდმა ცხოვრების სტილი ჩამომიყალიბა, ბოლომდე ბრძოლა და პროგრესისკენ სწრაფვა, MLS – ში ადაპტაციისთვის ეს ყველაფერი დამეხმარა.ევროპაში დაბრუნება ? – ბებერ ქალბატონში მართლაც სიამოვნებით დავბრუნდებოდი.იუვეში სრულად ჩემი შესაძლებლობები ვერ გამოვიყენე, მოხარული ვარ, რომ შავ-თეთრი მაისურით რამდენიმე წელი მაინც ვიასპარეზე.ეროვნული ნაკრები ? – მანძილი ფეხბურთში პრობლემას არასდროს წარმოადგენს, ანტონიო კონტე ჩემს თამაშებს აკვირდებოდა და იმედი მაქვს, ევროპის ჩემპიონატზე ვითამაშებ.ბარსელონას ინტერესი ? – არაფერი მსმენია, მაგრამ თუ ასეა ან ოდესმე იყო, დაჯერება გამიჭირდება.ამერიკაში გადმოსვლამდე ჩემი ტრანსფერი რამდენიმე იტალიურ კლუბს სურდა, ბოლონიას, ემპოლის, პალერმოს, მაგრამ კონკრეტული არაფერი ყოფილა.”

წყარო : Football Italia