ოფიციალური განცხადება:”როლანდო მანდრაგორა “იუვენტუსი”-ს ფეხბურთელია”

როლანდო მანდრაგორას თაობაზე ინფორმაციებს საკმაოდ ოპერატიულად გაწვდით და იუვეს მხრიდან, ტრანსფერის განხორციელების თაობაზე სიახლე ჯერ კიდევ გუშინ გამოვაქვეყნეთ..

თუმცა, სატრანსფერო საქმიანობა ფრიად არაპროგნოზირებადია და შესაძლოა ერთ წამს ვითომ გადაწყვეტილი გარიგება, გაურკვეველი მიზეზის გამო მაინც შეიცვალოს. საბედნიეროდ, მანდრაგორას შემთხვევაში ყველაფერი კარგად დასრულდა.

კლუბის ოფიციალური ვებ გვერდი იტყობინება, რომ 6 მილიონის სანაცვლოდ, რომელიც შესაძლოა მომავალში დამატებით ასევე 6 მილიონით გაიზარდოს, ბიანკონერიმ “ჯენოა”-სგან როლანდრო მანდრაგოს სატრანსფერო უფლებები შეიძინა. თავად 19 წლის ფეხბურთელთან 5 წლიანი კონტრაქტი გაფორმდა, რომელიც მიმდინარე სეზონს პესკარაში არენდის წესით დაასრულებს, ხოლო ზაფხულში ახალ კლუბს ვინოვოს ბაზაზე შეუერთდება.

მოდით ორიოდე სიტყვით მის კარიერას გადავავლოთ თვალი:

როლანდო ამპლუით ცენტრალური ნახევარმცველია, რომელმაც ტაქტიკური და ტექნიკური განსწავლულობის ხარჯზე, ნაყოფიერად გაირჯა რეჯისტას პოზიციაზე.. ანუ მცველების წინ, რომელიც პირლოს წასვლის შემდეგ იუვეში ფრიად პრობლემატურად პოზიციად გამოიყურება.

ახალგაზრდა ფეხბურთელი 1997 წლის 18 ივნის ნეაპოლში დაიბადა და სწორედ აქ გადადგა პირველი საფეხბურთო ნაბიჯები.. ჯენოას ახალგაზრდულ გუნდში კი 2011/12 სეზონში გამოჩნდა.

ძირითად გუნდს როლანდო გასულ სეზონში შეუერთდა.. პრიმავერას რიგებში საერთო ჯამში 6 შეხვედრაში მიიღო მონაწილეობა. ყველაზე საინტერესო ფაქტი კი 2014 წლის 29 ოქტომბერს დაფიქსირდა, როდესაც მისი დებიუტი სერია ა-ში არც მეტი არც ნაკლები იუვენტუსის წინააღმდეგ შედგა..

ახალი სეზონიდან კი ნახევარმცველი პესკარას ღირსებას იცავს, რომლის მაისურითაც სერია ბ-ში 16 მატჩში მიიღო მონაწილეობა, ერთიც იტალიის თასსზე და ერთი საგოლე გადაცემის ავტორიც გახლავთ.

მისმა ტაქტიკურმა განათლებამ, მრავალი ასაკობრივი ნაკრების კარი გაუხსნა..დაწყებული 17 წლამდელებით და დასრულებული 21 წლამდელებით.. სხვათაშორის თითოეულ გუნდში არაერთხელ აქვს თავი გამოჩენილი.

წყარო: ტურინის “იუვენტუსის” ოფიციალური ვებ გვერდი