კომანი:”ტურინში ფსიქოლოგიური წნეხის ქვეშ ვიყავი”

როგორც ჩანს, კინგლის კომანმა საკუთარი გუნდი იპოვნა.. 17 შეხვედრაში 4 გატანილი ბურთი და 7 საგოლე გადაცემა..

“უსაზღვროდ ბედნიერი ვარ მიუნჰენში ყოფნით. იმედი მაქვს აქ 2 წელზე მეტხანს დავყოფ.. ადაპტაცია? სიმართლე გითხრათ გამიჭირდა, რადგან პრაქტიკულად ყოველ მესამე დღეს გვიწევდა მინდორზე გასვლა და საბედნიეროდ ტრავმას გადავურჩი.. თუმცა, საშობაო არდადეგებამდე აშკარად გადაღლას ვგრძნობდი..

დადებითი იყო ის მომენტი, რომ ზამთრის შესვენების პერიოდში ორი სრული თავისუფალი კვირა მქონდა და ამ ხნის მანძილზე კარგად გამოვიძინე. სათამაშო დრო? არ დაგიმალავთ და არ ვფიქრობდი, რომ პირველსავე სეზონში ასეთ ნდობას მოვიპოვებდი.. დიახ, გერმანელები მეტ დროს დამპირდნენ, მაგრამ მაინც.. სავარაუდოდ ჩემს წისქვილს წყალი რამდენიმე ფეხბურთელის ტრავმამ დაუსხა.. თუმცა, ნებისმიერ შემთხვევაში ბოძებული შანსის გამო მადლიერი ვარ.

სათამაშო სტილი? ბაიერნში ყველაფერი მაკმაყოფილებს. გუარდიოლა შემტევი ფეხბურთის მოყვარულია და ბურთი ჩემთან გაცილებით დიდ დროს ატარებს. გერმანიაში ფსიქოლოგიური წნეხიც ნაკლებად არის, რასაც სამწუხაროდ ვერ ვიტყვი იტალიაზე.. იუვეში მუდამ დაძაბულობა შეიგრძნობოდა, რაც ჩემს ყოფაზე ნეგატიურად ისახებოდა..

გერმანიაში სხვადასხვა ტიტულის მოპოვების შესაძლებლობაც მაქვს.. მაგალითად არაჩვეულებრივი იქნებოდა შიდა ასპარეზზე გამარჯვება, რომელიც ჩემთვის ზედიზედ მესამე გახდება.. თავდაპირველად პსჟ-ს რიგებში გავხდი საფრანგეთის ჩემპიონი, შემდეგ იუვესთან ერთად სკუდეტოს მფლობელი.. თუმცა, არ უნდა დავივიწყოთ ჩემპიონთა ლიგაც, რომელსაც გამორჩეულ ადგილს ვუთმობთ”.

წყარო: tuttojuve