იუვე:”ბარსა, დაივიწყე დიბალა!”

გახსოვთ ძამპარინის კომენტარი? “დიბალა ახალი მესია! თქვენ გამორჩეულ ტალანტს ჰყიდულობთ”.. იყო დრო, როდესაც პალერმოს პრეზიდენტის პერსონიდან გამომდინარე, მის სიტყვებს ეჭვის თვალით ვუყურებდით.. თუმცა, საკმარისი იყო შავ-თეთრი ფორმა ჩაეცვა, მინდორზე გამოსულიყო, ბურთი მიეღო და ზუსტად აქ დაიწყო, რაც დაიწყო..

არგენტინელ ფორვარდს უშუალო მონაწილეობა აქვს მიღებული ბიანკონერის ბრძოლაში დაბრუნებაზე.. ზედიზედ 10 გამარჯვება, სადაც დიბალა ერთ-ერთი მთავარი მოქმედი გმირი იყო. ბუნებრივია, ასეთ დროს პრესა, სპეციალისტები და “ბობოლა” კლუბები გამორჩეულ ინტერესს იჩენენ.. პრესაში მას უკვე ახალ მესიდ ან წმინდა დიბალად მოიხსენიებენ.. როდესაც მესის გვარი გესმის, ბუნებრივია ბარსელონა ამ ყოველივეს უყურადღებოდ არ დატოვებდა..

შობის წინ ბარსას სპორტულმა დირექტორმა ბეპე მაროტას კონკრეტული წინადადებით მიმართა.. კუალუარული ინფორმაციის თანახმად ესპანელები მინიმუმ იმ თანხის გაორმაგებას აპირებდნენ, რაც იუვეს პაულოს შეძენა დაუჯდა.. ვისაც არ ახსოვს გეტყვით, რომ ეს 40 მილიონი ევრო იყო. დიახ, მინიმუმ 80 მილიონზე იყო თანხმა ბარსელონა.. უფრო მეტიც ბრაიდა მზად იყო საგრძნობლად გაეზარდა თანხა, მაგრამ მაროტას პასუხი იყო კონკრეტული და მკაფიო:

“უმჯობესი იქნება თუ ამ აზრს დაივიწყებთ. ფეხბურთელი, იუვენტუსს არანაირი თანხის სანაცვლოდ არ დატოვებს. იგი ჩვენი მთავარი ფიგურაა და კლუბში დიდი ხნის მანძილზე დარჩება”.

ბიანკონერის მიზნები დიბალასთან დაკავშირებით, რაც დრო გადის უფრო მკაფიო ხდება. ალესანდრო დელ პიეროს გუნდიდან წასვლის შემდეგ, საჭირო იყო ისეთი ფიგურის პოვნა, რომელიც არამარტო მინდორზე იქნებოდა გამორჩეული, არამედ მის ფარგლებს გარეთაც. დიბალას კარგი პრესა აქვს.. არის უშუალო ფიგურა და მის ცხოვრებაში ოჯახს დიდი მნიშვნელობა აქვს. ტურინში სწორედ იგი მიაჩნიათ მომავალ 10-იანად.. თუმცა, წინ ჯერ კიდევ დიდი დროა..

წყარო: Tuttosport