ბუფონი:”მიხარია, რომ კონკურენტებს ჩვენი ეშინიათ”

გთავაზობთ ჯანლუიჯი ბუფონის ვრცელ ინტერვიუს, რომელიც პოპულარულმა გამომცემლობა La Gazzeta Della Sport-მა გამოაქვეყნა:

ბიანკონერის პირველი ნომერი, დედაქალაქელებთან მატჩის მნიშვნელობაზე საუბრობს:

“იმ შემთხვევაში თუ მეტოქის დამარცხებას მოვახერხებთ, მაშინ ქულათა სხვაობა ჩვენს შორის 10-მდე გაიზრდება. მერწმუნეთ ეს ფრიად მნიშვნელოვანია, რადგან ჩვენ რეალურად ძლიერ მრისხანე კლუბზე ვსაუბრობთ. რაც უფრო შორს იქნებიან ჩვენგან მით კარგი.. ტოტი? ეს ნოსტალგიაა.. მის წინააღმდეგ თამაშისას ის კარგი დრო მახსენდება, როდესაც ჯერ კიდევ მოზარდები, დიდი ენთუზიაზმით სავსენი ახალგაზრდული გუნდის ღირსებას ვიცავდით. მართლა კარგი დრო იყო.

უეფას დაჯილდოვება? სიმართლეს გეტყვით.. უფრო მეტად მეწყინებოდა პრეტენდეტებს შორის მოხვედრა, ხოლო შემდეგ მე-20-ზე ან მე-40-ზე დასრულება. სამაგიეროდ, ამ ფაქტმა მეტი პოპულარობა შემძინა.

გამორჩეული ეპიზოდი მეხიერებიდან? როდესაც ავისრულე ოცნება და სერია ა-ს მატჩი მომეცა მონაწილეობის მიღების საშუალება. ვერც კი წარმოიდგენდთ როგორი ბედნიერი ვიყავი. ჩემი კარიერის პერიოდში საუკეთესო იუვენტუსი? 2002-03 სეზონი, როდესაც გუნდს მარჩელო ლიპი წვრთნიდა.. გვქონდა სტილი და ორგანიზაცია.. გავედით ჩემპიონთა ლიგის ფინალში, სადაც სამწუხაროდ 11-იანი სერიის შემდეგ დავმარცხდით. ხოლო თუ შევადარებთ ძირითად შემადგენლობას და რეზერვს, მაშინ კაპელოს ორ წლიანი ეპოქა.. თუმცა, არ შემიძლია არ აღვნიშნო გამორჩეული სულისკვეთება, რომელიც გვქონდა კონტეს და ალეგრის პერიოდში..

ჩემი შემდგომი მიზანი? არ დაგიმალავთ და მსურს 40 წლის ასაკში მუნდიალზე ასპარეზობა. ხოლო რაც შეეხება კარიერის დასრულებას, ეს მოხდება ყოველგვარი პომპეზურობის გარეშე.. საჭირო დროს მივიღებ გადაწყვეტილებას, რომელიც მერწმუნეთ გაჭიანურებული არ იქნება..

დონარუმა? მაოცებს.. ადვილი არ არის მის ასაკში მილანის მაისურის ტარება.. წარმომიდგენია, როგორი ფსიქოლოგიური წნეხი და პასუხისმგებლობა უნდა ჰქონდეს ადამიანს.. საბედნიეროდ იგი დიდებულად უძღვება საქმეს.. აქვს მშვენიერი რეაქცია, საიმედოა და რაც ყველაზე მეტად მომწონს არის მისი გაწონასწორებულობა.. ნამდვილად კარგი ადამიანია, რაც მის დღევანდელ დღეს ფრიად მნიშვნელოვანი ფაქტორია. მსურს, ჟურნალისტებსაც მადლობა გადაგიხადოთ მის სწორ განვითარებაში. ზუსტად ასეთი სახის კომენტარებით თუ დაეხმარებით ახალგაზრდა ტალანტს განვითარებაში.

სასუოლოსთან მარცხი? ეს გახდა უკანასკნელი შანსი დაბრუნებისთვის.. რეალურად ვიდექი კატასტროფის წინაშეა.. ობობის ქსელში ყოფნა კი არაფერს კარგას არ გვიქადდა.. მე რეალურ საფრთხეს ვხედავდი და თუ ჩვენ ამ ქსელში მოვხვდებოდით, შესაძლოა თავი დიდი ხნის მანძილზე ვეღარ დაგვეღწია.. პატარა აღარ ვარ და არ მსურდა, ისევ თავიდან გამევლო ეს შავი პერიოდი. საბედნიეროდ, მათემატიკის მოყვარული ვარ და სასუოლოს შემდეგ, ღამე გარკვეულ ქულებს ვითვლიდი.. გამოთვლებმა პოზიტიურ განწყობაზე დამაყენა და გარკვეული ჩამისახა. უბრალოდ შემდგომ ხელმძღვანელობას გავესაუბრე და ვუთხარი, რომ გასახდელში ყველანი ერთ აზრზე ვიყავით.. ისინიც ვინც ახლახანს მოვიდნენ ვინოვოზე და ისინიც ვინც უკვე დიდი ხანია ჩვენთან ერთად არიან. მახსოვს ვთქვით, რომ ან სკუდეტო ან ჩემპიონთა ლიგის საგზური.. გამარჯვებისთვის კი 25 წარმატებული სერია გვესაჭიროებოდა. იმ პერიოდისთვის ანგარიშზე 3 მოგება გვქონდა.. შედეგად საჭირო იყო კიდევ 22 დადებითი შედეგი. რეალურად მიმაჩნდა ასეთი განვითარება და როგორც ხედავთ, ეხლა უკვე მოწინავე პოზიციებზე ვიმყოფებით.. ამასთანავე მსურს მწვრთნელის დამსახურებაც აღვნიშნო.. მან ზუსტად იცოდა რა უნდა მოემოქმედებინა, რათა თთითოეული ჩვენთაგანისგან მაქსიმუმი მიეღო..

ყველაზე სარისკო პერიოდი? მატჩი მილანში, რომელიც ინტერთან 0-0 დასრულდა.. რატომღაც ყველა მიიჩნევდა, რომ ეს უფრო მეტად ნერიაძურის უწყობდა ხელს, მაგრამ მერწმუნეთ იქ დამარცხება იუვესთვის ფსიქოლოგიური კუთხით, სიკვდილს უტოლდებოდა. საერთოდაც, მანჩინის გუნდს ნამდვილად შეეძლო ჩვენი დასამარება, მაგრამ მათ ეს ვერ მოახერხეს.. ყველაზე უცნაური კი იყო ის, რომ ადამიანები რომლებიც ეხლა ფავორიტად გვასახელებენ, მაშინაც იგივეს იძახდნენ, როდესაც ჩემპიონატის უკანასკნელ ადგილებს ვიკავებდით.. სასიამოვნოა იმის ხილვა, თუ როგორ პატივს გვცემენ და ამავე დროს გვიფრთხიან.

ვფიქრობ, სეზონის გარკვეულ ეტაპზე კონკურენტებს თავისუფლად შეეძლოთ ჩვენი ბრძოლიდან გამოთიშვა.. მათ საკუთარ თავებს უნდა დააბრალონ, რომ მოწინავე პოზიციებზე, ქულათა დიდი სხვაობით არ იმყოფებიან. ვერცერთმა მათგანმა ვერ შესძლო ის, რასაც გასულ წლებში იუვენტუსი ახერხებდა.. თუ ჩვენ სკუდეტოს მართლაც მოვიპოვებთ, მაშინ ყველაფერს საკუთარ თავებს დააბრალებენ. ეს ყველაფერი იმაზე მიუთითებს, რომ წინ უამრავი მატჩი გველის.. ჩემპიონატში კი ლიდერი ტურიდან ტურამდე იცვლება.. რეალურად, ეხლა ინტერი და ნაპოლი არიან ჩვენი კონკურენტები.. ნერიაძურის მთავარი იარაღი არის ის ფაქტი, რომ მანჩინის კრებული ევროპულ არენაზე არ ასპარეზობს.. ხოლო ნეაპოლიტანელებს მშვენიერი კოლექტივი და ბრწყინვალე თავკაცი ჰყავთ. მათ შესანიშნავი მექანიზმი შექმნეს და გეგმას მტკიცედ მიუყვებიან. ნაპოლი სკუდეტოს დონის გუნდია.

ბაიერნი? სიმართლეს თვალებში შევხედოთ ამ მატჩში ბევრი მომენტი არ გვექნება. დაგვჭირდება აგრესია, დაუნდობელი მოქმედებები, გამარჯვების დაუოკებელი წყურვილი და მცირეოდენი იღბალი, რათა პროგნოზები დავამსხვრიოთ.

დიბალა? მისი ტრანსფერი, განსაკუთრებულად მამაჩემს მოეწონა. იგი ამ სიახლით აღფრთოვანებული იყო. პაულოს ყველაფერი აქვს, რომ დიდებული გახდეს.. სისწრაფე, ტექნიკა, მოკრძალებულობა და შრომისმოყვარულობა.. ერთი სიტყვით ყველაფერია, რომ მსოფლიოს საუკეთესოთა შორის იყოს”.

წყარო: Tuttosport