ალეგრის ტრეკუარტისტა სურს – მაროტა ოსკარის წარმომადგენელს შეხვდა

Tuttosport-ის ინფორმაციით მასიმილიანო ალეგრი განაგრძობს ხელმძღვანელობასთან კონსულტაციას ბრაზილიელი ოსკარის თაობაზე..

როგორც ტურინელი მიმომხილველები იუწყებიან, მთავარი მწვრთნელი ჯიუტად ითხოვს ტრეკუარტისტას პოზიციაზე სწორედ ჩელსის გამთამაშებლის მოყვანას. ხელმძღვანელობამ თავის მხრივ კონკრეტული ნაბიჯი გადადგა და ფეხბურთელის წარმომადგენელთან შეხვედრა გამართა. ჯერჯერობით კონკრეტულ თემებზე საუბარი უადგილოა, თუმცა თუ გავითვალისწინებთ იმ ფაქტს, რომ მომავალ სეზონში არისტოკრატები ნაკლებად მოსალოდნელია ჩემპიონთა ლიგის ტურნირზე იასპარეზონ, რეალურს ხდის რამდენიმე ფეხბურთელის წასვლას. მათ შორის ოსკარისაც, რომელსაც მსგავსად ჩელსისა რთულ პერიოდს გადის.

თავის მხრივ ალეგრის ძალიან სურს გუნდის 4-3-1-2 ტაქტიკურ მონახაზზე გადართვა.. ტოსკანელი თავკაცის მოსაზრებით ეს არის იდეალური ტაქტიკური მონახაზე, რომელიც ჩემპიონთა ლიგის გათამაშებაში გუნდს კონკრეტულ შედეგს მისცემდა.. ბრაზილიელი ჰერნანეშის წარუმატებელი პროექტის შემდეგ, მაქსი იძულებული გახდა 3-5-2 ს დაბრუნებოდა და მისი სიტყვებით, მანამ სანამ პერეირა არ გამოჯანმრთელდება იძულებულია აღებულ კურს მიუყვეს.. ჟურნალისტები ერთხმად აღნიშნავენ, რომ მოახლოებულ ზაფხულზე ხელმძღვანელობა ალეგრის მის სატრანსფერო სურვილს, აუცილებლად დააკმაყოფოლებს. იქნება თუ არა ეს ოსკარი ან სხვა რომელიმე შემტევი შუახაზელი დრო გვიჩვენებს..

წყარო: Tuttosport