ალეგრი:”მორატას შესაძლებლობებში ეჭვი არასოდეს შეგვიტანია”

გთავაზობთ მასიმილიანო ალეგრის მატჩისშემდგომ ინტერვიუს:

იუვეა ასეთი ძლიერი, თუ ინტერია სუსტი?

“დღევანდელი მატჩი მკაფიოდ მიუთითებს იმ ფაქტზე, რომ გუნდი მწყობრში მყავს. ბიჭებმა მშვენიერი შეხვედრა გამართეს და განსაკუთრებით უკანა ხაზში. ვფიქრობ, შეტევაში გაცილებით უკეთ შეგვეძლო ასპარეზობა.. მეორეს მხრივ შემოქმედებით კუთხით ცუდად თავი არ წარმოგვიჩენია, მაგრამ გარკვეული ასპექტები გაუმჯობესებას საჭიროებს. ნუ დაგავიწყდებათ, რომ ჯერჯერობით იტალიის თასის ნახევარფინალში ვართ, ხოლო ჩემპიონატში მეორე ადგილზე.. ასე რომ ბრძოლა გრძელდება”.

მორატას დუბლს როგორი მნიშვნელობა აქვს?

“უდიდესი.. ლაციოსთან შეხვედრაში, თავი კარგად წარმოაჩინა. მომეწონა როგორც ტექნიკური ასევე ფიზიკური კუთხითაც. დიახ, როდესაც ფორვარდს გოლი არ გაქვს, რთულია ფსიქოლოგიური თვალსაზრისით, მაგრამ მისი შესაძლებლობები არსად არ გამქრალა. მსურს ასამოას თამაშიც გამოვყო, რომელმაც ჩინებული მეორე ნახევარი ჩაატარა”.

ეხლა კი დროა ბაიერნთან ფორმის შენარჩუნებაზე იფიქროთ..

“არა.. აუცილებელია პროგრესირება, წინააღმდეგ შემთხვევაში ყველაფერს წყალში გადავყრით. საჭიროა თამაშის ხარისხის და დაცვითი ზღუდეების გაუმჯობესება, რომელიც შედეგის გარანტი ხდება”..

იუვენტუსი შენს ახალ კონტრაქტზე არაფერს ფიქრობს?

“ჯერჯერობით სხვა პრიორიტეტები გვაქვს.. ფორმალურად კონტრაქტს ძალა 2017 წლამდე აქვს და უკვე შემდგომ სიტუაციას ერთად შევხედავთ. ტურინში ყველაფერი მაკმაყოფილებს და თავს მშვენივრად ვგრძნობ. ფეხბურთში მნიშვნელოვანი არის შედეგი.. დიახ, რამდენიმე მატჩი მიჯრით მოვიგეთ, თუმცა რეალურად ჯერჯერობით არაფრისთვის არ მიგვიღწევია. ფინალში გასვლის მშვენიერი შანსი გვაქვს, მაგრამ ყველაფერი სან სიროზე გაირკვევა”.

გუარდიოლას ადგილას, რომ ყოფილიყავი რაზე იფიქრებდი?

“ერთმანეთისადმი დიდი პატივისცემა გვაქვს. ორივეს კარგი გუნდი გვყავს, მაგრამ გარკვეულ ეტაპზე იღბალიც საჭიროა. ვფიქრობ, დებიუტანტებისთვის ეს არაჩვეულებრივი გამოცდა იქნება. ჩემი პირადი მოსაზრებით იუვენტუსი მუდმივად უნდა ასპარეზობდეს პლეი-ოფში და შემდგომ რვა საუკეთესო გუნდს შორის მოხვედრაზე იბრძოდეს.. წილისყრაზეც ბევრი რამ არის დამოკიდებული”.

პეპის მოსაზრებით კი მას წილისყრაში არ გაუმართლა..

“ორივესთვის შეიძლებოდა ბევრად უკეთ დასრულებულიყო”..

მორატას და კუადრადოს დაბრუნების შემდეგ იუვენტუსი შთამბეჭდავად გამოიყურებოდა..

“კონცენტრირებულნი უნდა ვიყოთ სამწვრთნელო სესიაზე და თითოეულ მატჩზე.. რიგ-რიგობით.. კიდევ ერთხელ განვმეორდები, ჩვენ ჯერ არაფრისთვის არ მიგვიღწევია.. მთავარი ბრძოლები წინ გველის და მათ სათანადო დონეზე მომზადებულნი უნდა შევხვდეთ”.

კიევოსთან მატჩის წინ, გაგირთულა თუ არა ასამოამ არჩევანის გაკეთება?

“მერწმუნეთ ყოველი მატჩის შემდეგ, ასეთ პირობებში არჩევანის გაკეთება ძალზედ მიჭირს. გულით ვწუხვარ, რომელიმე მათგანის სკამზე დატოვების გამო.. ზუსტად ამ სიტყვებით მივმართე ბიჭებს და დავამატე, რომ თასსზე რაც უფრო შორს გავიდოდით, მით უფრო მეტი დრო ექნებოდა თითოეულს თავის გამოსაჩენად”.