იუვემ პირველი პოზიცია “დაიბრუნა”..

კონტეს რეკორდი მიღწეულია.. იუვემ სერია ა-ში მიჯრით 12 მატჩის მოგება მოახერხა..

თუმცა, გაცილებით მნიშვნელოვანი ის ფაქტია, რომ გუნდმა 22-ე ტურში შესაძლოა მცირე ხნით, მაგრამ პირველი პოზიცია დაიბრუნა.. დაიბრუნა უშუალოდ ჩვენი – ერთგული ქომაგების გადმოსახედიდან შეიძლება ვინმეს, რომ მოეჩვენოს, მაგრამ თუ გადახედავთ უკანასკნელ წლებს, სადაც მიჯრით მატჩების გარდა სკუდეტოებსაც ვიგებდით, მაშინ სიტყვა “დავიბრუნეთ” უკვე სხვა დატვირთვასაც იძენს.

რამდენიმე წუთში ნეაპოლიტანელები საკუთარ მატჩს მოკრძალებული ემპოლის წინააღმდეგ გამართავენ.. სარი ყოფილ კლუბს დაუპირისპირდება, რომელიც ცუდ შთაბეჭდილებას ნამდვილად არ ტოვებს. სხვათაშორის სწორედ ემილიური კლუბის ღირსებას იცავს რიკარდო საპონარა, რომელსაც ბიანკონერის მჭიდროდ უკავშირებენ.. ჟურნალისტები იმასაც კი ამბობენ, რომ მაროტამ უკვე მოაგვარა მისი ტრანსფერი და მომავალი სეზონიდან ემპოლის ტრეკუარტისტა კარიერას ტურინში განაგრძობს..

ამიტომ დღეს ორმაგი ინტერესი გვაქვს ამ მატჩისადმი.. ერთი ის რომ თუ ნაპოლი ვერ მოახერხებს წარმატებას, იუვე პირველ პოზიციას შეინარჩუნებს, ხოლო მეორე საქმეში ვიხილავთ პოტენციურ იუვენტინო – საპონარას..