ალეგრი მორატას და ძაძას კონცენტრირებისკენ მოუწოდებს

ალეგრი მაშინაც ცხარობს საკუთარ ფეხბურთელებზე, როდესაც ისინი იმარჯვებენ.. გენუასთან მატჩის შემდეგ გაცხარებული მწვრთნელის მოსმენა სიმონე ძაძას და ალვარო მორატას მოუხდათ:

ტურინელი მიმომხილველების ინფორმაციით, მატჩის დასრულებისთანავე გასახდელში მყოფ ძაძას და მორატას ტოსკანელი თავკაცის მოსმენა დიდი ხნის მანძილზე მოუხდათ.. საუბარი ვინოვოს ბაზაზეც გაგრძელდა და ალეგრი ჯიუტად უმეორებდა ერთსაც და მეორესაც მათ არასწორ მიდგომაზე კონკრეტულ დაპირისპირებაში..

ესპანელთან დაკავშირებით ალეგრის პრეტენზია ინერტულობაზე გააჩნდა. ალვარო ნაკლებად იბრძოდა და პრაქტიკულად არ შედიოდა კონტაქტურ ორთაბრძოლებში.. დაცვის დახმარებაზეც დიდად თავს არ იწუხებდა.. მასიმილიანო მორატას გამოფხიზლებას ცდილობს და მოუწოდებს მაქსიმალური კონცენტრირებისკენ.

ძაძას შემთხვევაში კი ზედმეტი ენერგიის გაკონტროლებას ითხოვს. იტალიელი უკვე მერამდემე შემთხვევაა მოედანზე ყოფნისას საკმაოდ აგრესიულად ირჯება და მცველებთან უხეშ კონტაქტს არ ერიდება. მისთვის საუბედუროდ ამჯერად მსაჯმა არ დაინდო და შეხვედრის დასრულებამდე 4 წუთით ადრე მინდვრიდან გააძევა. ალეგრის აღშფოთებაც სწორედ ამ ფაქტმა გამოიწვია, რადგან გარდა იმისა რომ 1-0-ზე გუნდი 10 კაცით დატოვა, მომდევნო დაპირისპირებაში თავდასხმის ხაზი პრაქტიკულად როტაციის გარეშე დატოვა..

წყარო: tuttojuve