რა ხდება ვინოვოზე მაშინ, როდესაც გროსოს გუნდი დაფრინავს..

თბილი და მზიანი ამინდი იყო დღეს ვინოვოზე..

მის ფონზე გამარჯვება კი ორმაგად სასიამოვნოა.. დიახ, დღეს (მანამ სანამ საათი 0:00-ს გადაცილდებოდეს) ფაბიო გროსოს მიერ დამოძღვრილმა პრიმავერამ 3-1 დაამარცხა ფიორენტინას ახალგაზრდული გუნდი.. სხვათაშორის ზუსტად ისე, როგორც რამდენიმე თვის წინ ალეგრიმ სოუზა..

მაშინ როდესაც გროსოს ბიჭები იებთან დაფრინავდნენ, ძირითად გუნდს საფიქრელი თავზე საყრელად აქვს. ალეგრი პრინციპული მატჩის წინ ჯერ კიდევ ფიქრობს, თუ რა მოუხერხოს ტრავმირებულ კიელინის.. დიახ, ჯორჯოს ხვალისთვის ფეხზე ვერანაირად ვერ დააყენებს, მაგრამ შეცვლა ნამდვილად მოუწევს..

საწვრთნელ ბაზაზე რამდენიმე ვარიანტი ისინჯება.. მათ შორის ლიხტშტაინერის დაცვის ტრიოში ყოფნით.. რუგანის ყველა აქებს და ადიდებს, მაგრამ ალეგრის ალბათ რაღაც მაინც აფიქრებს მასთან მიმართებაში. მეორეს მხრივ პერეირას დაბრუნებამ საფუძვლიანი ეჭვი გააჩინა, რომ მძიმე წუთებში მაქსმა შესაძლოა კვლავ იფიქროს ტაქტიკის შეცვლაზე..

თუ იქნება პერეირა, მაშინ ტრეკუარტისტას პოზიციაზე გაირჯება და იუვე 4-3-1-2-ს დაუბრუნდება.. არის კიდევ ერთი შესაძლებლობა და მას რეალურს კუადრადო ქმნის.. არა 3-5-2-ში სადაც კოლუმბიელი ბოლო ხანს თავს კარგად გრძნობს, არამედ 4-3-3 მოდულში, სადაც მარჯვენა შემტევის ფუქნციას შეითავსებს.

ერთი სიტყვით იოლი გადაწყვეტილება არცერთი არ არის, რადგან სასწორზე სკუდეტო თუ არა ბევრი რამ დევს. ალეგრის ეს კარგად ესმის და ამიტომაც ვარჯიშებზე მაქსიმალურად ცდილობს თითოეული მონახაზის საქმეში ხილვას. დრო ცოტა რჩება..