პოგბა: ” გულის სიღრმეში ისევ ბავშვი ვარ “

პოლ პოგბა, როგორც დღევანდელი “იუვენტუსის” ერთ-ერთი წამყვანი ფიგურა, შაბათის დაპირისპირების წინ ყურადღების ცენტრშია. ახალგაზრდა ფრანგის თქმით, “ნაპოლისთან” თამაშის გამო აღელვება არ ღირს და გუნდი ამ გამოწვევას სიმშვიდით უნდა შეხვდეს…

” ისე უნდა შევხვდეთ ამ მატჩს, როგორც სხვა დანარჩენებს. პირველ ადგილზე არ ვართ და ეს შემოლაწუნებასავითაა ჩვენთვის, ასეთ რამეებს არ ვართ მიჩვეული. მაგრამ მთავარი ისაა, ტიტული ბოლოს ჩვენი აღმოჩნდეს, ამისთვის კი ბოლომდე ბრძოლა გვმართებს. ჯერ პირველები არ ვართ, მაგრამ წონასწორობას არ ვკარგავთ, გვინდა, ჩემპიონატის ბოლოს ვიყოთ ამ პოზიციაზე, მნიშნელოვანი სწორდ ესაა. ”

” არასდროს მეპარებოდა ეჭვი, რომ კარგი სეზონი გვექნებოდა. “იუვეს” პროექტის ცენტრში ვარ, მაგრამ კიდევ მმართებს გაზრდა. მიუხედავად იმისა, რომ გულში ჯერ კიდევ ბავშვი ვარ, მოედანზე თავს ისე ვგრძნობ, როგორც ათვლის წერტილი დანარჩენებისთვის. ” -აცხადებს პოგბა.

წყარო: football italia