ალეგრი: ” ყველა თამაშს ვერ მოიგებ, ახლა “ბაიერნს” ველოდებით”

“ბოლონიასთან” აღებულ ქულას მასიმილიანო ალეგრის გუნდს აქტივში არავინ ჩაუწერს, მაგრამ “იუვენტუსის” დამრიგებელს ეს დიდად არ აღელვებს და გულშემატკივარსაც სიმშვიდისკენ მოუწოდებს. დონადონის გუნდთან უმძიმესი მატჩის დასრულების შემდეგ, სპეციალისტი Sky Sport Italias -ა და Mediaset Premium -ს ესაუბრა…

” კარგად დავიწყეთ, მაგრამ “ბოლონია” ქებას იმსახურებს ჩვენი შებოჭვისთვის. გულდასაწყვეტია, რომ ვერ მოვიგეთ, მაგრამ 15-მატჩიანი მოგებათა სერია მოგვდევთა უკან, “ბოლონია” კი ახლა “სერია ა” -ს გუნდებს შორის ერთ-ერთ საუკეთესო ფორმაშია. ფეხბურთში ყველა თამაშს ვერ მოიგებ. თამაში მეტად უნდა გაგვეშალა, ეს იმ მატჩთა რიცხვში შედიოდა, რომლის დროსაც ნავსი შემთხვევითობის წყალობით ტყდება ხოლმე. “

” საკუთარი კარი ისევ მშრალად შევინახეთ და ეს ნამდვილად მნიშვნელოვანია. სიმონე ძაძამ და ალვარო მორატამ კარგად ითამაშეს, მაგრამ მოედანზე სივრცეები ბევრი არ ჰქონიათ. ბიჭები ბოლო სამი თვის განმავლობაში თავჩაუხრელად მუშაობდნენ, ასეთი რამეები ხდება ხოლმე. ჯერ არაფერი გადაწყვეტილა. რა თქმა უნდა, ორშაბათს “მილანს” ვუგულშემატკივრებ, მაგრამ, რაც არ უნად მოხდეს, “სკუდეტოსათვის” ბოლომდე ვიბრძოლებთ. “

“მანძუკიჩი კარგადაა, სამი ხედირაც უნდა დაბრუნდეს, ვიმედოვნებთ, რომ ჯიორჯიო კიელინი და სანდროც მალე დაგვიბრუნდებიან. შეუპოვრები, კონცენტრირებულები უნდა ვიყოთ და გავიაზროთ, რომ “ბაიერნთან” მატჩი 180 წუთის განმავლობაში გაგრძელდება. ” -აცხადებს ალეგრი.

წყარო: football italia