პროექტი, რომელიც შეიძლება შეჩერდეს..

7 წლის წინ შავ-თეთრი ფერების ქვეშ დაწყებული ქართული სიყვარულის ისტორია დღემდე გრძელდება, თუმცა დრო რაც უფრო გადის, მით უფრო რთული ხდება იმ ტემპის შენარჩუნება რაც ეხლა გვაქვს..

მიზეზი მარტივია.. პროექტი რომელიც არაკომერციული კუთხით დაიწყო, სტაბილურად განვითარდა.. ცოტა გვერდი თუ დაიკვეხნის ისეთი გამართული სისტემით, როგორიც ჩვენ დავნერგეთ.. თითქოს მთლიანი კვირის გაწერილი გეგმა გვქონდა და მას ყოველგვარი სიზარმაცის გარეშე მივუყვებოდით.

ბუნებრივია მსგავსი საკითხი დროის დიდ რესურს მოითხოვს.. წარმოიდგინეთ სტატიის მოძიება, მისი თარგმანი, შემდეგ მულტიმედიური კონტენტის შექმნა, რედაქტირება, ატვირთვა, გამოქვეყნება.. ამასობაში სტატიები იდება-იდება.. ვცდილობდით არსებული რესურსით ფონს გასვლას.. ზოგს სამსახური გვიწყობდა ხელს, ზოგს სწვლა და ზოგს უბრალოდ მცირე თავისუფალი დრო..ეს ინდივიდუალური არის ყოველი ჩვენთაგანისთვის..

თუმცა, პროექტი რომელსაც არა აქვს შესაბამისი ფინანსური მხარდაჭერა რთულად განსავითარებელია.. პირადად მე ჩაფიქრებული მქონდა TuttoJuve.com​-ის ანალოგი გვერდი.. წარმოიდგინეთ ჩვენი საიტი, რომელიც გაცილებით სწრაფ ტემპში გაანახლებდა საკუთარ გვერდს.. იქნებოდა მეტად სწრაფი და ამოუწურავი.. თუ დღეს დღეში საშუალოდ 8-10 სტატიას ვდებთ, მაშინ იქნებოდა 20 და ზევით..

ისევ და ისევ ეს რესურსის ამბავია.. ანუ რეალურად ეს ხდება უკვე მთავარი სამსახური.. თუმცა მან შესაბამისი ანაზღაურებაც უნდა გამოიმუშავოს.. ვებ-გამომცემლობა თანხის გარეშე ვერ იარსებებს დიდხანს, ეს ნონ-სენსია..

ჩვენს მიერ 7 წლიანი მუშაობის შედეგად დაგვიგროვდა დიდი გამოცდილება, ძვირფასი არქივი და მეტად განვითარების სწორი ხედვა. ზუსტად გვაქვს ჩამოყალიბებული სამოქმედო გეგმა, რომელიც უახლოეს წელიწადში ფინანსური კუთხითაც მომგებიანი იქნება.

ერთი სიტყვით საჭიროა ინვესტირება, სარეკლამო პროდუქტის მოძიება და კომპანიების მხრიდან ჩვენი პროდუქტის ათვისება. სახსრების გაჩენა კი ჩვენს შემთხვევაში ავტომატურად ნიშნავს საიტისთვის მეტი ყურადღების დათმობას.

ჩვენ, იუვენტუსის გულშემატკივრები ვართ და ამ 7 წლის მანძილზე, ჩვენი მუშაობის გათვალისწინებით ეს საკითხი ეჭვებს არ უნდა ბადებდეს. ჩემი პირადი სურვილია ამ ადგილს სრული 24 საათი დავუთმო, მაგრამ თუ იგი არ გახდა ფინანსურად მომგებიანი პროექტი, მაშინ იძულებული ვხვდებით ეს დრო ჩვენი შეხედულებისამებრ გამოვიყენოთ.

პირადად ჩემთვის ეს ძალიან მტკივნეულია, მაგრამ სხვაგვარად ძალზედ რთულია დონის, ტემპის და აქტიურობის შენარჩუნება. ForzaJuve.Ge კი კვირაში ორ სტატიას არასოდეს შეეგუება.

დიდი მადლობა ყურადღებისთვის, ერთგულებისთვის და გასული 7 წლისთვის..