ალეგრის წინასამატჩო პრესსკონფერენცია

გთავაზობთ მასიმილიანო ალეგრის წინასამატჩო პრესსკონფერენციას:

“მარიო მანჯუკიჩმა და სამი ხედირამ სრული დატვირთვით ივარჯიშეს.. ორივე მათგანი მზად არის მოახლოებული დაპირისპირებისთვის. ვფიქრობ, ბაიერნი საკუთარ სტილს მნიშვნელოვნად არ შეიცვლის. მათ ბურთის კონტროლი უყვართ და ამიტომაც უნდა ვეცადოთ, მაქსიმალურად შევუზღუდოთ მოქმედებები. ეს დაპირისპირება ნახევარფინალისგან არაფრით არაა განსხვავებული.. რადგან პირველი შეხვედრა ტურინშია დაგეგმილი, მას უდიდესი მნიშვნელობა ენიჭება.. რატომ? მიუნჰენში ჩვენ კიდევ უფრო მძიმე მატჩი გველის.

გუარდიოლა ბრწყინვალე სპეციალისტია, რომელმაც წარმატებით გადაიტანა ბარსელონას სისტემა ბაიერნში..შეიძლება მათ მესი არ ჰყავთ, მაგრამ ფილოსიფია იდენტურია. შემადგენლობა კი ახალგაზრდა და გამოცდილი კადრების მშვენიერი სინთეზია. მნიშვნელოვანია ის ფაქტი, რომ დღეისათვის იუვენტუსი თავს კარგად იცავს.. წარმატებისთვის კი აუცილებელი იქნება უკანა ხაზიდან სწრაფი და ეფექტური ამოსვლა. თქვენი ჩემი სასტარტო შემადგენლობის გაგება გსურთ? მერწმუნეთ იგი დიდად განსხვავებული არ იქნება. ხვალ, მნიშვნელოვანი შეხვედრა გველის და სწორედ ამ მიდგომით გავალთ მინდორზე. მოცემული 1/16-ის შედეგი მინდორზე წყდება და ამიტომაცაა აუცილებელი იდენტური ტექნიკის და თამაშის ჩვენება, როგორსაც ბაიერნი აჩვენებს და თან მთელი 180 წუთის განმავლობაში.

მახსოვს გასულ სეზონში იდენტურ სიტუაციაში, ვთქვი რომ კარგი იქნებოდა პირველი მატჩი 0-0 დასრულებულიყო.. ამის გამო ბევრმა გამომლანძღა.. ეხლა კი ვიტყვი სხვაგვარად ვფიქრობ.. უამრავი გოლი გავა. მოედანზე გასვლის წამიდან გუნდებიდან შანსები პრინციპში თანაბრად გადანაწილდება 50-50 ზე.. საერთო ჯამში რაც არ უნდა ითქვას ერთი ან მეორე მხარის მიერ, ფაქტია რომ იუვენტუსი მოახლოებულ შეხვედრას სრულ მზადყოფნაში ხვდება. მოვიგებთ, წავაგებთ თუ ფრე იქნება ვერ გეტყვით.. ექსტრასენსი არ ვარ, მაგრამ ერთს კი გპირდებით.. დიდი საფეხბურთო საღამო გველოდება”.