#ForzaCalcio | ფლორენციული ფრე და +3 ნაპოლისთან!

26-ე ტურში ერთი, ხოლო 27-ე სათამაშო დღის შემდეგ უკვე +3! დიახ, ზუსტად ასეთი სხვაობა დაფიქსირდა გასული ტურის შემდეგ იუვესსა და ნაპოლის შორის.. ტურინელებთან მარცხის შემდეგ სარის გუნდს მცირე კრიზისი დაეწყო, რაც ქულათა სხვაობაზეც აისახა. ნეაპოლიტანელებმა ვერაფრით ვერ მოახერხეს სოუზას გუნდის დამარცხება, რომელიც დიდწილად იების მეკარის ტატარუშანუს დამსახურებაა. ობიექტურობისთვის უნდა აღინიშნოს, რომ ფიორემ პირველ ტაიმში ორი 100%-იანი მომენტი ხელიდან გაუშვა, როდესაც მათი ფორვარდების დარტყმული ძელს მოხვდა. მეორე 45 წუთი ნეაპოლიტანელთა დომინირებით წარიმართა, მაგრამ როგორც უკვე აღვნიშნეთ იების მეკარემ ფანტასტიკურად იასპარეზა.