გიორგი ქასრაშვილის ყოველკვირეული მიმოხილვა

სალამი იუვენტინოებო,მომენატრა წერა.. დასაბრუნებლად შესაბამის მომენტს ველოდი… ბოლონიასთან 0-0 და საწერიც არაფერი იყო, შემდეგ ბაიერნთან 2-2 და ჩემი სტატია მსაჯის გინებით შედგებოდა, ასე რომ თავი შევიკავე… შემდეგ კი მერდებთან გამარჯვება და მოპოვებული ორმაგი 3 ქულა, ჩვენი და ნაპოლის ფეხის დაცდენის, ანუ ჰანდიკაპი სამამდე გაიზარდა… საწერიც ბევრი კარგი გაჩნდა და მეც ვიწყებ…

მიმდინარე ჩემპიონატი ძალზედ რთულად და კატასტროფულად დავიწყეთ, იყო საუბრები იმაზე, რომ იუვენტუსი ლიგის საგზურის გარეშე დარჩებოდა, რადგან 3-ეულს 11-10-9 ქულით ჩამოვრჩებოდით, მაგრამ…

პირველი ნოემბერი, ყველა იუვენტინო ერთმანეთს ულოცავს იუვენტუსის 118 წლის იუბილეს, ველოდებით 21:00 საათს, რომ ნანატრი გამარჯვება მოვიპოვოთ..

პოგბას დარტყმა და იუვენტუსი დაწინაურდა, მე-2 ტაიმში კი თანაქალაქელებმა ანგარიში გაათანაბრეს, მატჩი მორიგი იმედგაცრუებისკენ იხრებოდა.. მიმდინარეობს მსაჯის კომპენსირებული მე-4 წუთი, სანდროს გამჭოლი გადაცემა და რეტეეეეეე, რეტეეეეეე, ყველა იუვენტინო გამარჯვებას ზეიმობს, ყველა იუვენტინოში გაიღვიძა იმ შემართებამ ,,იუვენტუსი არასოდეს ნებდება” ,,იუვენტუსი ბოლომდე იბრძვის” და სწორედ ამ რწმენამ მოიტანა 94-ე წუთზე მოპოვებული გამარჯვება და იუვენტუსმაც სისწრაფეს უმატა, სიჩქარის გადაჭარბებაც კი დაფიქსირდა ზედიზედ 15 კილომეტრის გარბენისას, შემდეგ კი ჩმ.ლიგის მოსახვევი იყო და ბოლონიაში ნელა ვიმგზავრეთ, ტურინშიც საწვავი დაკვაკლდა, მაგრამ საოცრება იყო ამ სიტყვების მოსმენა: ,,დღეს ვისაც არ უნდა შევხვედროდით, ნებისმიერს დავამარცხებდით (ლეონარდო ბონუჩი) იუვემ ისევ აკრიფა, იუვემ ისევ უმატა და გუშინდენი ტურის ბოლო მატჩიც ჩვენდა სასარგებლოდ დასრულდა.

,,სალუტატე ლა კაპოლისტა” (მივესალმებით პირველ ადგილოსნებს)

სკუდეტო უკვე ტურინელთა რადარზეა, ნაპოლისათვის კი ბურუსში ეხვევა თანდათან… ვფიქრობ საინტერესო იქნება გადავხედოტ დარჩენილ 11 ფინალს სკუდეტომდე…

28 – ტური (06.03.16) ატალანტა – იუვენტუსი
29 – ტური (13.03.16) იუვენტუსი – სასუოლო
30 – ტური (20.03.16) ტორინო – იუვენტუსი
31 – ტური (03.04.16) იუვენტუსი – ემპოლი
32 – ტური (10.04.16) მილანი – იუვენტუსი
33 – ტური (17.04.16) იუვენტუსი – პალერმო
34 – ტური (20.04.16) იუვენტუსი – ლაციო
35 – ტური (24.06.16) ფიორენტინა – იუვენტუსი
36 – ტური (01.05.16) იუვენტუსი – კარპი
37 – ტური (08.05.16) ვერონა – იუვენტუსი
38 – ტური (15.05.16) იუვენტუსი – სამპდორია

შესაბამისად გამოდის, რომ დარჩა 33 გასათამაშებელი ქულა… ა გამოვიჩენ დიდძალ ამბიციას და ლოგიკურად შევაფასებ პოტენციურ ქულათა მოპოვების რაოდენობას…

11 მატჩიდან 9 თამაშს მოვიგებთ, 2 მატჩი კი ფლორენციასა და მილანში მინიმუმ ფრე ჩავთვალოთ, გამოდის რომ 29 ქულას მოვუყრით თავს, ამას დავუმატოთ 3ქულა, რომელიც ეხლა გვაქვს მარაგში და 32 ქულას მოვუყრით თავს… ნაპოლი კი 11-იდან 11-ივეს მოიგებს???

მოდი გადავხედოთ მათ კალენდარსაც…

28. ნაპოლი – კიევო
29. პალერმო – ნაპოლი
30. ნაპოლი – ჯენოა
31. უდინეზე – ნაპოლი
32. ნაპოლი – ვერონა
33. ინტერი – ნაპოლი
34. ნაპოლი – ბოლონია
35. რომა – ნაპოლი
36. ნაპოლი – ატალანტა
37. ტორინო – ნაპოლი
38. ნაპოლი – ფროსინონე

არც თუ ისე იოლი კალენდარი აქვთ ნეაპლოიტანელებს… განსაკუთრებით აღსანიშნავია, ორი ურთულესი გასვლითი მატჩები მილანსა და რომში, ეს გუნდები ლიგის საგზურისათვის იბრძვიან და შესაბამისად ადვილად არაფერს დათმობენ…

გამომდინარე აქედან ნაპოლის მინიმუმ 1 ფრე ინტერთან ან რომასთან საკმარი იქნება იმისათვის, რომ იუვენტუსმა ზედიზედ მეხუდეთ მოიპოვოს სკუდეტო.

ასე და ამგვარად, იუვენტუსი კუთვნილ ადგილზეა, ყველაფერი მის ხელთაა, დარჩენილ 11 სასკუდეტო ფინალში იუვენტუსი მიაღწევს გამარჯვებას და ჰეგემონია გაგრძელდება იტალიაში, რომელსაც ,,ბებერი ქალბატონის დომინიება ჰქვია”

გილოცავთ ყველას ასეთ წარმატებულ სვლას, კეთილი სურვილებით თქვენი QASRA