“ბავარია” – “იუვენტუსი” ( სავარაუდო შემადგენლობები )

ტურინის “იუვენტუსისა” და მიუნხენის “ბავარიას” მატჩის დაწყებამდე 24 საათზე ნაკლები რჩება.იტალიური პრესა აქტიურად განიხილავს რამდენიმე ვარიანტს, თუ რომელი ტაქტიკით იასპარეზებენ გუნდები.მასიმილიანო ალეგრი ჯორჯო კიელინის არ ყოფნაში სავარაუდოდ 4-4-2 სქემას აირჩევს და ნახევარდაცვის მარჯვენა ფლანგზე ხუან კუადრადოს განამწესებს, გუარდიოლას კი არიენ რობენის ჩანაცვლება ფრანკ რიბერით მოუწევს.

როგორც უკვე მოგახსენეთ, ბიანკონერებს ჯორჯო კიელინი დააკლდებათ და სწორედ ამ მიზეზით, მთავარი მწვრთნელი 3-5-2 სქემის ნაცვლად 4-4-2 ტაქტიკაზე შეაჩერებს არჩევანს.კარს ჯიჯი ბუფონი დაიცავს, დაცვის მარჯვენა ფლანგზე შტეფან ლიხტშტაინერი, მარცხნივ პატრის ევრა, ცენტრში კი ლეონარდო ბონუჩისა და ანდრეა ბარძალის დუეტი; ნახევარდაცვის მარჯვენა ფრთაზე ხუან კუადრადოს გამოჩენას უნდა ველოდოთ, მარცხნივ პოლ პოგბას, რეჯისტას პოზიციაზე ბრაზილიელი ერნანეში იქნება, მის წინ კი სამი ხედირა.ტრავმირებულ პაულო დიბალას ალვარო მორატა ჩაანაცვლებს, ცენტრ-ფორვარდის პოზიციაზე კი მარიო მანჯუკიჩი იქნება გამწესებული.

ხვალინდელ დაპირისპირებას დანაკლისით ხვდებიან გერმანელებიც, თუმცა ეს დანაკლისი უპირველეს ყოვლისა დაცვის ხაზს შეეხება.ამ დრომდე ლაზარეთში რჩებიან ჟერომ ბოატენგი, ჰოლგერ ბარდშტუბერი და ხავი მარტინესი, გუარდიოლას მხოლოდ მეჰდი ბენატიას იმედი შეუძლია ჰქონდეს.სწორედ მაროკოელს შეუწყვილდება სავარაუდოდ ჯოშუა კიმიხი და მასთან ერთად შექმნის დაცვის დუეტს, მარჯვენა ფლანგზე გუნდის კაპიტანი ფილიპ ლამი იქნება, მარცხნივ დავიდ ალაბა.საყრდენ ნახევარმცველად ექს-ბიანკონერო, არტურო ვიდალი ითამაშებს, რომლის წინაც ტიაგო ალკანტარას უნდა ველოდოთ.როგორც გითხარით, რობენის ადგილს ფრენკ რიბერი დაიკავებს, საპირისპირო ფლანგზე იქნება დუგლას კოშტა, ცენტრ-ფორვარდად რობერტ ლევანდოვსკი, პოლონელის უკან კი ბუფონის კარში პირველი გოლის ავტორი, ტომას მიულერი.

“იუვენტუსი” – ბუფონი; ლიხტშტაინერი, ბარძალი, ბონუჩი, ევრა; კუადრადო, ხედირა, ერნანეში, პოგბა; მორატა, მანჯუკიჩი

“ბავარია” – ნოიერი; ლამი, ბენატია, კიმიხი, ალაბა; ვიდალი, რიბერი, კოშტა, ალკანტარა, მიულერი, ლევანდოვსკი

წყარო : Football Italia